تسيفرلاندىرۋ قازاقستاندا قالاي دامۋدا

1068

جەلتوقساننىڭ 9 كۇنى قازاقستان پرەزيدەنتى قاسىم-جومارت توقاەۆتىڭ توراعالىعىمەن وتكەن رەفورمالار جونىندەگى جوعارى كەڭەستىڭ كەزەكتى وتىرىسىندا مەملەكەتتىك جوسپارلاۋ جۇيەسىن قايتا قۇرۋ ادىستەرى، ماكروەكونوميكالىق ساياسات، الەۋمەتتىك سالانى دامىتۋ، ەكونوميكانى ءارتاراپتاندىرۋ جانە بيزنەستى رەتتەۋ، سوت جانە قۇقىق قورعاۋ جۇيەلەرىن رەفورمالاۋ، مەملەكەتتىك باسقارۋ جانە مەملەكەتتىك قىزمەت كورسەتۋ جونىندە ءسوز قوزعالدى. ول تۋرالى كونسۋلتاتيۆتىك كوميتەتتەردىڭ جەتەكشىلەرى بايانداما جاسادى دەپ حابارلايدى Akorda.kz.

اتالعان كەڭەستە پرەزيدەنت تسيفرلاندىرۋدى جەدەلدەتىپ، قۇجاتتار مەن مەملەكەتتىك باعدارلامالاردىڭ بارلىق يەرارحياسىن تالداۋعا تاپسىرما بەردى. سونداي-اق، ءىرى رەفورمالارعا، اتاپ ايتقاندا، الەۋمەتتىك كودەكستىڭ دامۋىنا، «تسيفرلىق قازاقستان»، «قحا-2025» جوبالارىنا ەرەكشە نازار اۋدارۋدى تاپسىردى.

-تاۋەلسىزدىك جىلدارىندا كوپتەگەن باعدارلاما جاسالدى. ونىڭ ءبىرازى كۇشىن جويدى، جاڭا باعدارلامالار مەن قۇجاتتار پايدا بولۋدا. ولاردىڭ ءبارىن ساتىلى تۇردە جۇيەلەپ، قاجەت ەمەستەرىنەن ارىلۋ كەرەك. جوسپارلاۋدىڭ اتقارۋشىلارعا جانە حالىققا مەيلىنشە تۇسىنىكتى ءارى اشىق جۇيەسىن جاساعان ءجون،-دەپ اتاپ ءوتتى پرەزيدەنت.

پرەزيدەنت سوت جانە قۇقىق قورعاۋ جۇيەلەرىن رەفورمالاۋ ماسەلەسىنە دە نازار اۋداردى. ونىڭ پىكىرىنشە، سوت جانە قۇقىق قورعاۋ قىزمەتىنە وزىق IT-تەحنولوگيانى ەنگىزۋ جانە تسيفرلاندىرۋ جۇمىستارىن جالعاستىرۋ كەرەك.

- بىزگە جۇيەلى، سونىڭ ىشىندە، كادرلىق سيپاتتاعى شارالار قابىلداۋ كەرەك. جوعارعى سوتتىڭ سۋدياسى نەمەسە وبلىستىق سوتتاردىڭ توراعاسى بولسىن سۋديا لاۋازىمىنا  تاعايىنداعان كەزدە، ەڭ الدىمەن، سۋديالار كورپۋسىنىڭ وزىندە ۇلكەن ماسەلە تۋىندايدى. ولار ءبىر-ءبىرىن كاسىبي بىلىكسىز، جەكە جانە باسقا دا بايلانىستارىن پايدالانادى دەپ كىنالايدى. وسى ءتيىمسىز تەندەنتسيالاردى ءبىرجولا جويۋ قاجەت، – دەدى مەملەكەت باسشىسى.

پرەزيدەنت مەملەكەتتىك باسقارۋدىڭ بارلىق جۇيەسى شىنىمەن دە «كليەنتكە باعدارلانعان» بولۋى كەرەك دەپ اتاپ كورسەتتى. ال باستى كليەنت – بۇل قازاقستان ازاماتتارى.

جيىن قورىتىندىسى بويىنشا قازاقستان پرەزيدەنتى جانىنداعى رەفورمالار جونىندەگى جوعارى كەڭەستىڭ 2021 جىلعا ارنالعان جۇمىس جوسپارى جانە كونسۋلتاتيۆتىك كوميتەتتەردىڭ قۇرامى بەكىتىلدى.

د. ارعىنگەلدى،

Akorda.kz كومەگىمەن دايىندالدى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket