ıfrlandyrý Qazaqstanda qalaı damýda

1016

Jeltoqsannyń 9 kúni Qazaqstan Prezıdenti Qasym-Jomart Toqaevtyń tóraǵalyǵymen ótken Reformalar jónindegi joǵary keńestiń kezekti otyrysynda memlekettik josparlaý júıesin qaıta qurý ádisteri, makroekonomıkalyq saıasat, áleýmettik salany damytý, ekonomıkany ártaraptandyrý jáne bıznesti retteý, sot jáne quqyq qorǵaý júıelerin reformalaý, memlekettik basqarý jáne memlekettik qyzmet kórsetý jóninde sóz qozǵaldy. Ol týraly konsýltatıvtik komıtetterdiń jetekshileri baıandama jasady dep habarlaıdy Akorda.kz.

Atalǵan keńeste Prezıdent ıfrlandyrýdy jedeldetip, qujattar men memlekettik baǵdarlamalardyń barlyq ıerarhııasyn taldaýǵa tapsyrma berdi. Sondaı-aq, iri reformalarǵa, atap aıtqanda, áleýmettik kodekstiń damýyna, «ıfrlyq Qazaqstan», «QHA-2025» jobalaryna erekshe nazar aýdarýdy tapsyrdy.

-Táýelsizdik jyldarynda kóptegen baǵdarlama jasaldy. Onyń birazy kúshin joıdy, jańa baǵdarlamalar men qujattar paıda bolýda. Olardyń bárin satyly túrde júıelep, qajet emesterinen arylý kerek. Josparlaýdyń atqarýshylarǵa jáne halyqqa meılinshe túsinikti ári ashyq júıesin jasaǵan jón,-dep atap ótti Prezıdent.

Prezıdent sot jáne quqyq qorǵaý júıelerin reformalaý máselesine de nazar aýdardy. Onyń pikirinshe, sot jáne quqyq qorǵaý qyzmetine ozyq IT-tehnologııany engizý jáne ıfrlandyrý jumystaryn jalǵastyrý kerek.

- Bizge júıeli, sonyń ishinde, kadrlyq sıpattaǵy sharalar qabyldaý kerek. Joǵarǵy Sottyń sýdıasy nemese oblystyq sottardyń tóraǵasy bolsyn sýdıa laýazymyna  taǵaıyndaǵan kezde, eń aldymen, sýdıalar korpýsynyń ózinde úlken másele týyndaıdy. Olar bir-birin kásibı biliksiz, jeke jáne basqa da baılanystaryn paıdalanady dep kinálaıdy. Osy tıimsiz tendenııalardy birjola joıý qajet, – dedi Memleket basshysy.

Prezıdent memlekettik basqarýdyń barlyq júıesi shynymen de «klıentke baǵdarlanǵan» bolýy kerek dep atap kórsetti. Al basty klıent – bul Qazaqstan azamattary.

Jıyn qorytyndysy boıynsha Qazaqstan Prezıdenti janyndaǵy Reformalar jónindegi joǵary keńestiń 2021 jylǵa arnalǵan jumys jospary jáne konsýltatıvtik komıtetterdiń quramy bekitildi.

D. Arǵyngeldi,

Akorda.kz kómegimen daıyndaldy

Pikirler
Redakııa tańdaýy