الماتى قالاسىنىڭ اكىمى باقىتجان
ساعىنتاەۆ ەلوردانىڭ تويلانباي قالعان تۋعان كۇنىنە 63 ميلليون تەڭگە جۇمساعان، دەپ حابارلايدى «ادىرنا» ۇلتتىق پورتالى «كتك» تەلەارناسىنا سىلتەمە جاساپ.
ول بولعان جايتقا كوروناۆيرۋستى كىنالادى.
– ءيا، شوۋ وتپەي قالدى. ءبىز مەرەكەگە الدىن الا دايىندالعان ەدىك. پاندەميا بولادى دەپ ەشكىم ويلاعان جوق. وزدەرىڭىز بىلەسىزدەر، دامىعان بارلىق ەلدەر جارىق شوۋىن وتكىزىپ جاتادى. پاندەميا ەندى ماڭگى بولمايتىن شىعار. سوندىقتان جۇرتقا تۋريست تارتاتىن جارىق شوۋىن باسقا مەرەكەلەردە كورسەتەمىز»،-دەدى ساعىنتاەۆ.
الەۋمەتتىك جەلىدە ۇلكەن داۋ تۋدىرعان جارىق شوۋىن الماتى اكىمدىگى استانا كۇنىنە ارنايى دايىنداتقان. الايدا اياقاستى اۋرۋ تاراپ، مەرەكە سول كۇيى تويلانباي قالدى. ال شوۋدىڭ اقشاسى تولەنىپ قويعان. باعاسى اناۋ-مىناۋ ەمەس، باقانداي 63 ميلليون تەڭگە.
اكىمنىڭ ايتۋى بويىنشا، استانا كۇنىنە دايىندىق جارتى جىل بۇرىن باستالىپ، كەلىسىم-شارت جىلدىڭ باسىندا جاسالىپ قويعان.
«سول سەبەپتى 63 ميلليون تەڭگەنى تولەۋگە تۋرا كەلدى», - دەپ ءسوزىن قورىتىندىلادى ول.
«ادىرنا» ۇلتتىق پورتالى
