Almaty qalasynyń ákimi Baqytjan
Saǵyntaev elordanyń toılanbaı qalǵan týǵan kúnine 63 mıllıon teńge jumsaǵan, dep habarlaıdy «Adyrna» ulttyq portaly «KTK» telearnasyna silteme jasap.
Ol bolǵan jaıtqa koronavırýsty kinálady.
– Iá, shoý ótpeı qaldy. Biz merekege aldyn ala daıyndalǵan edik. Pandemııa bolady dep eshkim oılaǵan joq. Ózderińiz bilesizder, damyǵan barlyq elder jaryq shoýyn ótkizip jatady. Pandemııa endi máńgi bolmaıtyn shyǵar. Sondyqtan jurtqa týrıst tartatyn jaryq shoýyn basqa merekelerde kórsetemiz»,-dedi Saǵyntaev.
Áleýmettik jelide úlken daý týdyrǵan jaryq shoýyn Almaty ákimdigi astana kúnine arnaıy daıyndatqan. Alaıda aıaqasty aýrý tarap, mereke sol kúıi toılanbaı qaldy. Al shoýdyń aqshasy tólenip qoıǵan. Baǵasy anaý-mynaý emes, baqandaı 63 mıllıon teńge.
Ákimniń aıtýy boıynsha, astana kúnine daıyndyq jarty jyl buryn bastalyp, kelisim-shart jyldyń basynda jasalyp qoıǵan.
«Sol sebepti 63 mıllıon teńgeni tóleýge týra keldi», - dep sózin qorytyndylady ol.
«Adyrna» ulttyq portaly
