«18 ميلليون حالقى بار ەل ءۇشىن زاڭگەرلەردى نەگە 70-تەن استام جوعارى وقۋ ورنى دايارلايدى؟ ساپالى مامان دايارلاۋعا 5-6 جوعارى وقۋ ورنى جەتكىلىكتى، ءتىپتى ودان دا از ۋنيۆەرسيتەت قاجەت ەكەنىنە سەنىمدىمىن، سولاردىڭ ءبىرى - KAZGUU. 2018 جىلعى 5 شىلدەدە «ادۆوكاتتىق قىزمەت جانە زاڭ كومەگى تۋرالى» قر زاڭى قابىلداندى. ەگەر سول كەزدە قازاقستاندا ادۆوكاتتاردىڭ سانى بار بولعانى 4,5 مىڭ ادامدى قۇراسا، زاڭ فيرمالارى، جەكە پراكتيكامەن اينالىساتىن جانە كورپوراتيۆتىك زاڭگەرلەر سانى 10 مىڭدى قۇرادى. سوندىقتان زاڭگەر ماماندىعى نارىقتا رەتتەۋدى قاجەت ەتەدى», - دەيدى «Kazakhstan Bar Association» زاڭ كونسۋلتانتتارى پالاتاسىنىڭ توراعاسى جۇماگەلدى ەلۋباەۆ «زاڭ ءبىلىمى جانە عىلىم: زاماناۋي ماسەلەلەر جانە جەتىلدىرۋ پەرسپەكتيۆالارى» اتتى حالىقارالىق كونفەرەنتسيادا. ونىڭ ايتۋىنشا، تاۋەلسىزدىك العالى 30 جىلى ىشىندە 400 مىڭ زاڭگەر ديپلوم العان، ال جىل سايىن ەلىمىزدە 10 مىڭعا جۋىق زاڭگەر دايارلانادى.
زاڭگەرلەردى باعالاۋ جانە سەرتيفيكاتتاۋ بيۋروسىنىڭ جەتەكشىسى جاننەتتا كاليشەۆانىڭ ايتۋىنشا، جوو تۇلەگى جۇمىس بەرۋشىنىڭ تالابىنا ساي بولۋى كەرەك. جۇمىس بەرۋشى، كاسىبي قوعامداستىق جانە ۋنيۆەرسيتەت اراسىنداعى ىنتىماقتاستىق وڭ ناتيجە بەرەدى، زاڭگەر ماماندىعى بويىنشا كاسىپتىك ستاندارتتار ادىستەمەسىن پىسىقتايدى.
«زاڭگەرلەر كاسىبي قاۋىمداستىقتارمەن سەرتيفيكاتتالۋى ءتيىس، ال جوعارى وقۋ ورىندارى پالاتالاردان اككرەديتاتسيادان ءوتۋى كەرەك. زاڭ ءبىلىمىنىڭ ستاندارتتارىن كاسىبي قوعامداستىقتار ازىرلەۋى قاجەت. سونداي-اق بىلىكتىلىكتىڭ بىرىڭعاي تالاپتارى دەگەن (بىلىمگە، بىلىكتىلىككە، داعدىلارعا، قۇزىرەتتەرگە) بولادى، الايدا «زاڭگەر» ماماندىعى بويىنشا بىرىڭعاي تالاپ جوق»,- دەپ مالىمدەدى ول كونفەرەنتسيادا.
اتالعان شاراعا قر ادىلەت ءمينيسترى مارات بەكەتاەۆ، قر ءبىلىم جانە عىلىم ۆيتسە-ءمينيسترى ميراس داۋلەنوۆ، وتاندىق كورنەكتى زاڭگەر-عالىمدار م.ش. قوعاموۆ، س.ف. ۋدارتسەۆ، ك.ۆ. كيم، س.پ. موروزوۆ، گ.ا. اليحانوۆا، سونداي-اق قازاقستان، رەسەي، گەرمانيا جانە ۋكراينانىڭ بىرقاتار جوعارى وقۋ ورىندارى مەن كاسىبي قوعامداستىقتارىنىڭ وكىلدەرى قاتىستى.
م.س. نارىكباەۆ اتىنداعى كازگيۋ ۋنيۆەرسيتەتىنىڭ
ءباسپاسوز قىزمەتى.
