ارقالىق قالاسىنداعى مامانداندىرىلعان بالالار ءۇيىنىڭ باس دارىگەرى سوتتالدى، دەپ حابارلايدى «ادىرنا» «حابار 24»-كە سىلتەمە جاساپ. ول ءۇش جىل بويى مەكەمەدە ءۇش ميلليون تەڭگەنىڭ ازىق-تۇلىك تاۋارىن ۇرلاعان. سونداي-اق ءبىر ميلليون تەڭگەگە باعالانعان جانارمايدى زاڭسىز جولمەن يەلەنگەن.
باسشى ءوز كىناسىن تولىق مويىنداعان جوق. بىراق جابىرلەنۋشىلەر مەن كۋاگەرلەردىڭ بەرگەن جاۋاپتارى، ساراپتاما قورىتىندىسى كىنانى راستاپ وتىر.
«ايىپتالۋشىنىڭ كەلتىرىلگەن شىعىندى وتەمەگەنىن نەگىزگە الا وتىرىپ، سوت مۇلكىن تاركىلەمەي 5 جىلعا دەيىن بوستاندىعىنان ايىرۋ جازاسىن تاعايىندادى. ايىپتى تۇلعاعا مەملەكەتتىك قىزمەتتە ءومىر بويى ەڭبەك ەتۋگە تىيىم سالىنادى. جازاسىن ورتا دارەجەدەگى قىلمىستىق-اتقارۋ جۇيەسى مەكەمەسىندە وتەيتىن بولادى. ۇكىم زاڭدى كۇشىنە ءالى ەنگەن جوق»،- دەدى وبلىستىق سوتتىڭ ءباسپاسوز قىزمەتىنىڭ جەتەكشىسى زاۋرە ەدىكوۆا.
«ادىرنا» ۇلتتىق پورتالى
