Jetimderge bólingen aqshany qaltasyna basqan

3248
Adyrna.kz Telegram

Arqalyq qalasyndaǵy mamandandyrylǵan balalar úıiniń bas dárigeri sottaldy, dep habarlaıdy «Adyrna» «Habar 24»-ke silteme jasap. Ol úsh jyl boıy mekemede úsh mıllıon teńgeniń azyq-túlik taýaryn urlaǵan. Sondaı-aq bir mıllıon teńgege baǵalanǵan janarmaıdy zańsyz jolmen ıelengen.

Basshy óz kinásin tolyq moıyndaǵan joq. Biraq jábirlenýshiler men kýágerlerdiń bergen jaýaptary, saraptama qorytyndysy kináni rastap otyr.   

«Aıyptalýshynyń keltirilgen shyǵyndy ótemegenin negizge ala otyryp, sot múlkin tárkilemeı 5 jylǵa deıin bostandyǵynan aıyrý jazasyn taǵaıyndady. Aıypty tulǵaǵa memlekettik qyzmette ómir boıy eńbek etýge tyıym salynady. Jazasyn orta dárejedegi qylmystyq-atqarý júıesi mekemesinde óteıtin bolady. Úkim zańdy kúshine áli engen joq»,- dedi oblystyq sottyń baspasóz qyzmetiniń jetekshisi Záýre Edikova.

«Adyrna» ulttyq portaly

Pikirler