قازاقستاننىڭ عارىش سالاسىنداعى ماڭىزدى جاڭالىقتارىنىڭ ءبىرى، ول "KazSat-2R"شارتتى اتاۋىمەن ءۇشىنشى بايلانىس سپۋتنيگىن كونكۋرستىق نەگىزدە ساتىپ الۋ نيەتى تۋرالى حابارلاماسى بولدى. بۇعان شامامەن 105 ميلليون دوللار ءبولىندى. اتالعان جوبا ىسكە اسسا دا، "KazSat" بايلانىس جۇيەسى دە قوسىمشا دامي بەرەتىن بولادى.
عارىش سالاسىنداعى تاعى ءبىر قول جەتكەن جەتىستىگىمىز ول گەوكەڭىستىكتىك دەرەكتەردى تالداۋ بويىنشا قۇزىرەتتەر ورتالىعى قۇرىلعاندىعى. بۇل ورتالىقتىڭ قۇرىلاتىندىعى تۋرالى وسى جىلدىڭ ءساۋىر ايىندا ايتىلعان بولاتىن. اتالعان ورتالىقتىڭ تيگىزەتىن پايداسى تۋرالى ايتساق، بۇل جەردى قاشىقتىقتان زوندتاۋ سپۋتنيكتەرىنەن الاتىن جانە ءوزىمىزدىڭ ءدال ناۆيگاتسيا جۇيەمىزدەن الاتىن بارلىق دەرەكتەر ءبىر ورتالىقتا جينالىپ، قۇرىلىسشىلار، ەنەرگەتيكتەر، اۋىل شارۋاشىلىعى ماماندارى پايدالانا الاتىنداي دايىن ونىمدەرگە بىرىكتىرىلەدى دەگەن ءسوز. بۇل ەلىمىز ءۇشىن وتە قاجەت قولدانبالى كوسموناۆتيكا ورتالىعى.
جەتەكشى ەلدەر سپۋتنيكتىك مونيتورينگتىڭ ۇلتتىق قاۋىپسىزدىك ءۇشىن قانداي كۇشتى مۇمكىندىكتەر بەرەتىنىن باياعىدا تۇسىنگەن. قازاقستاندا وسى سالادا ىلگەرلەۋ قادامدارىن جاساۋدا.
قاي ەلدىڭ بولسىن عارىش سالاسىنداعى جەتىستىكتەرىنىڭ ءبىرى ول جەردى قاشىقتىقتان زوندتاۋ (جقز) جۇيەلەرىنىڭ بولۋى. وتاندىق عارىشتىق مونيتورينگتىڭ ءتيىمدى جۇيەسىنىڭ بولماۋى قازاقستاندى تاۋەلدى جاعدايدا قالدىرعان ەدى. باسقا ەلدەردىڭ سپۋتنيكتەرىنەن دەرەكتەردى الۋ، ول ءوز ەلىڭنىڭ سپۋتنيكتەرىن العانداي بولمايتىنى بەلگىلى. كوممەرتسيالىق جۇيەلەردەن باسقا جەردى قاشىقتىقتان زوندتاۋ (جقز) جۇيەلەرى قاۋىپسىزدىكتى قامتاماسىز ەتۋ ماسەلەلەرىن دە، ونىڭ ىشىندە ينفراقۇرىلىم وبەكتىلەرىندە دە شەشەدى. ەلىمىزدىڭ جقز جۇيەسى ۇلتتىق قاۋىپسىزدىك سالاسىندا دا ءوزىنىڭ ماڭىزدى ءارى قايتالانباس ءرولىن اتقارۋدا. ءبىزدىڭ جقز جۇيەمىزگە التى جىل بولدى جانە ول ەلىمىزدىڭ مۇددەسىنە قالتقىسىز قىزمەت ەتۋدە.
ەركە جومارت،
«ادىرنا» ۇلتتىق پورتالى
