Qazaqstannyń ǵarysh salasyndaǵy mańyzdy jańalyqtarynyń biri, ol "KazSat-2R"shartty ataýymen úshinshi baılanys spýtnıgin konkýrstyq negizde satyp alý nıeti týraly habarlamasy boldy. Buǵan shamamen 105 mıllıon dollar bólindi. Atalǵan joba iske assa da, "KazSat" baılanys júıesi de qosymsha damı beretin bolady.
Ǵarysh salasyndaǵy taǵy bir qol jetken jetistigimiz ol geokeńistiktik derekterdi taldaý boıynsha quzyretter ortalyǵy qurylǵandyǵy. Bul ortalyqtyń qurylatyndyǵy týraly osy jyldyń sáýir aıynda aıtylǵan bolatyn. Atalǵan ortalyqtyń tıgizetin paıdasy týraly aıtsaq, bul jerdi qashyqtyqtan zondtaý spýtnıkterinen alatyn jáne ózimizdiń dál navıgaııa júıemizden alatyn barlyq derekter bir ortalyqta jınalyp, qurylysshylar, energetıkter, aýyl sharýashylyǵy mamandary paıdalana alatyndaı daıyn ónimderge biriktiriledi degen sóz. Bul elimiz úshin óte qajet qoldanbaly kosmonavtıka ortalyǵy.
Jetekshi elder spýtnıktik monıtorıngtiń Ulttyq qaýipsizdik úshin qandaı kúshti múmkindikter beretinin baıaǵyda túsingen. Qazaqstanda osy salada ilgerleý qadamdaryn jasaýda.
Qaı eldiń bolsyn ǵarysh salasyndaǵy jetistikteriniń biri ol Jerdi qashyqtyqtan zondtaý (JQZ) júıeleriniń bolýy. Otandyq ǵaryshtyq monıtorıngtiń tıimdi júıesiniń bolmaýy Qazaqstandy táýeldi jaǵdaıda qaldyrǵan edi. Basqa elderdiń spýtnıkterinen derekterdi alý, ol óz elińniń spýtnıkterin alǵandaı bolmaıtyny belgili. Kommerııalyq júıelerden basqa Jerdi qashyqtyqtan zondtaý (JQZ) júıeleri qaýipsizdikti qamtamasyz etý máselelerin de, onyń ishinde ınfraqurylym obektilerinde de sheshedi. Elimizdiń JQZ júıesi ulttyq qaýipsizdik salasynda da óziniń mańyzdy ári qaıtalanbas rólin atqarýda. Bizdiń JQZ júıemizge alty jyl boldy jáne ol elimizdiń múddesine qaltqysyz qyzmet etýde.
Erke Jomart,
«Adyrna» ulttyq portaly
