ءماجىلىس سايلاۋىنا «Nur Otan»-نىڭ پارتيالىق ءتىزىمى بەكىتىلدى، دەپ حابارلايدى «ادىرنا» ۇلتتىق پورتالى. ءتىزىم پارتيانىڭ facebook جەلىسىندەگى رەسمي پاراقشاسىندا جاريالاندى.
كانديداتتاردىڭ جالپى تىزىمىندە پارلامەنت ءماجىلىسىنىڭ قىزمەتتەگى دەپۋتاتتارى 20%-تەن اسپايدى، مەملەكەتتىك باسقارۋ سالاسىنىڭ وكىلدەرى - 13%، ءبىلىم جانە دەنساۋلىق ساقتاۋ سالاسى – 12%، ۇكىمەتتىك ەمەس ۇيىمدار – 9% جانە ونەركاسىپ – 8% بولدى. سونداي-اق، ەكونوميستەر – 28%، زاڭگەرلەر – 20%، كاسىپكەرلەر – 17%. ال 21 ۇمىتكەردىڭ عىلىمي دارەجەسى بار، ونىڭ ىشىندە 10-ى – عىلىم دوكتورى، 11-ءى – عىلىم كانديداتى.
ءتىزىمنىڭ ۇشتەن ءبىرى – ايەلدەر. كانديداتتاردىڭ ورتاشا جاسى بۇرىنعى پارتيالىق تىزىمدەرمەن سالىستىرعاندا 4 جىلعا تومەندەپ، 48 جاس بولدى.
پارتيالىق ءتىزىم 126 كانديداتتان تۇرادى. ولاردىڭ ىشىندە 77 كانديدات پارتياىشىلىك پرايمەريز قورىتىندىسى، ال 49 ادام ورتالىق پارتيالىق كۆوتا بويىنشا انىقتالدى. ولاردىڭ ىشىندە: قازاقستان پرەمەر-ءمينيسترى اسقار مامين، Nur Otan توراعاسىنىڭ ءبىرىنشى ورىنباسارى باۋىرجان بايبەك، نۇرسۇلتان نازارباەۆ قورىنىڭ ديرەكتورى داريعا نازارباەۆا، قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ، ساياساتتانۋشى ايدوس سارىم بار.
«ادىرنا» ۇلتتىق پورتالى
