Májilis saılaýyna «Nur Otan»-nyń partııalyq tizimi bekitildi, dep habarlaıdy «Adyrna» ulttyq portaly. Tizim partııanyń facebook jelisindegi resmı paraqshasynda jarııalandy.
Kandıdattardyń jalpy tiziminde Parlament Májilisiniń qyzmettegi depýtattary 20%-ten aspaıdy, memlekettik basqarý salasynyń ókilderi - 13%, bilim jáne densaýlyq saqtaý salasy – 12%, úkimettik emes uıymdar – 9% jáne ónerkásip – 8% boldy. Sondaı-aq, ekonomıster – 28%, zańgerler – 20%, kásipkerler – 17%. Al 21 úmitkerdiń ǵylymı dárejesi bar, onyń ishinde 10-y – ǵylym doktory, 11-i – ǵylym kandıdaty.
Tizimniń úshten biri – áıelder. Kandıdattardyń ortasha jasy burynǵy partııalyq tizimdermen salystyrǵanda 4 jylǵa tómendep, 48 jas boldy.
Partııalyq tizim 126 kandıdattan turady. Olardyń ishinde 77 kandıdat partııaishilik praımerız qorytyndysy, al 49 adam ortalyq partııalyq kvota boıynsha anyqtaldy. Olardyń ishinde: Qazaqstan premer-mınıstri Asqar Mamın, Nur Otan tóraǵasynyń birinshi orynbasary Baýyrjan Baıbek, Nursultan Nazarbaev Qorynyń dırektory Darıǵa Nazarbaeva, Qazaqstan Respýblıkasy Premer-Mınıstriniń orynbasary Eraly Toǵjanov, saıasattanýshy Aıdos Sarym bar.
«Adyrna» ulttyq portaly
