شەتەلگە كەتۋگە تاعى ءبىر مۇمكىندىگىڭىز بار

2138
Adyrna.kz Telegram

ەندى قازاقستاندىقتاردىڭ Cambridge English ەمتيحانىنا دايىندالۋعا مۇمكىندىگى بار دەپ حابارلايدى «ادىرنا» ۇلتتىق پورتالى م.س. نارىكباەۆ اتىنداعى كازگيۋ  ۋنيۆەرسيتەتىنىڭ ءباسپاسوز قىزمەتىنە سىلتەمە جاساپ.

جىل سايىن بۇل ەمتيحاندى  الەمنىڭ 170 ەلىندە بەس ميلليون ادام تاپسىرادى. اتالعان اعىلشىن ءتىلىن ۇيرەتۋ ءتاسىلىن وسىدان 107 جىل بۇرىن كەمبريدج ۋنيۆەرسيتەتى قۇراستىرعانىن اتاپ وتكەن ءجون. Cambridge English حالىقارالىق ەمتيحانىنىڭ IELTS نەمەسە TOEFL ەمتيحاندارىنان ارتىقشىلىعى - جارامدىلىق مەرزىمى بويىنشا شەكتەۋى جوق.

Cambridge English ەمتيحانىنىڭ قازاقستاندىقتارعا قانداي پايداسى بار؟ اتالعان سەرتيفيكات الەمنىڭ 25 000 ۋنيۆەرسيتەتىنە تۇسۋگە عانا ەمەس، جەتەكشى حالىقارالىق كومپانيالارعا جۇمىسقا ورنالاسۋعا دا مۇمكىندىك بەرەدى.

م. س. نارىكباەۆ اتىنداعى كازگيۋ جوعارى گۋمانيتارلىق مەكتەبىنىڭ ديرەكتورى انار يبراەۆا:

- ۋنيۆەرسيتەت ءۇشىن ستۋدەنتتەر مەن تىڭداۋشىلارعا وقۋ پروتسەسىندە العان تىلدىك داعدىلارى بولاشاق مانسابى ءۇشىن پايدالى بولۋى ماڭىزدى. Cambridge Assessment English Official Exam Preparation Centre مارتەبەسىن الۋ زاماناۋي ءبىلىم بەرىپ، جوعارى ساپاعا نازار اۋداراتىنىمىزدى دالەلدەيدى.

م.س. نارىكباەۆ اتىنداعى كازگيۋ ۋنيۆەرسيتەتى وتاندىق جوعارى وقۋ ورىندارى اراسىندا العاشقى بولىپ Cambridge English ەمتيحانىنا دايىندايتىن رەسمي ورتالىق مارتەبەسىنە يە بولدى.

فوتو اشىق دەرەككوزدەن الىندى.

پىكىرلەر