19 قاراشا كۇنى الماتىدا " مەدەۋ "مۇز ايدىنى اشىلدى. ال كوروناۆيرۋستىق پاندەمياعا بايلانىستى قانداي شەكتەۋلەر ەنگىزىلدى، وقي وتىرىڭىزدار.
الماتىنىڭ باس سانيتارلىق دارىگەرى جانداربەك بەكشيننىڭ 9 قاراشادا جاريايلانعان جاڭا قاۋلىسىنا سايكەس «مەدەۋگە» 19-30 قاراشا ارالىعىندا تەستىلىك رەجيمدە جۇمىس ىستەۋگە رۇقسات ەتىلگەن. بۇل دەگەنىمىز، 10 كۇننەن سوڭ سانيتارلىق دارىگەرلەر مۇز ايدىنىندا سانيتارلىق تالاپتاردىڭ قالاي ساقتالعانىن تەكسەرە الاتىن بولادى. ەگەر ءبارى جاقسى بولسا، مۇز ايدىنى جۇمىسىن جالعاستىرادى.
«ءبىز «مەدەۋ» تاريحىنىڭ 48 جىلىندا مۇز ايدىنى العاش رەت جۇمىس ىستەمەيدى دەپ الاڭدادىق. قالا باسشىلىعى ءبىزدىڭ الدىمىزعا قوناقتاردىڭ وسىندا بولۋىنىڭ قاۋىپسىزدىگىن قامتاماسىز ەتەتىن جۇمىس الگوريتمىن ازىرلەۋ مىندەتىن قويدى. وسىدان سوڭ ءبىز قاتاڭ اكىمشىلىك جولعا تۇستىك. ادەتتەگىدەي، ءار سەسسياعا شامامەن 4 مىڭ ادام قاتىسادى، قازىر ءبىز ءبىر سەسسياعا 500 ادامنان تۇراتىن شەكارانى ورناتتىق. بۇل ەڭ ماڭىزدى شەكتەۋ ساتتەرىنىڭ ءبىرى، - دەيدى "مەدەۋ" باسشىسى نايل نۇروۆ.
ەكىنشى شەكتەۋ: جۇمىس ىستەمەيتىن كاسسالار. ەندى بيلەتتەردى تەك ونلاين ساتىپ الۋعا بولادى. بۇل كەزەك بولماس ءۇشىن جانە كەلۋشىلەردىڭ سانىن باقىلاۋ ءۇشىن جاسالدى.
"سونداي-اق، مۇز ايدىنى بويىنشا قوزعالۋدىڭ ەرەكشە رەجيمى: تەك ءبىر باعىتتا. قوناقتار ءبىر قاقپادان ءوتىپ، باسقالارى ارقىلى شىعادى. بۇل باعىتتار ءبىر-بىرىمەن قيىلىسپايدى. كونكيدى جالعا بەرۋدىڭ ەرەكشە رەجيمى بار. قازىر كۇنىنە ءبىر رەتتەن ارتىق كونكي جالعا بەرمەيمىز. كونكي جالعا بەرىلەدى، قوناق ەكى ساعات بويى جۇرەدى، سودان كەيىن كونكيلەر قايتا دايارلاۋعا تۇسەدى. ياعني، ولاردى كەپتىرەدى، دەزينفەكتسيالايدى، ۋلتراكۇلگىنمەن وڭدەيدى، تەك ءبىر تاۋلىك وتكەن سوڭ قايتا بەرەدى، - دەپ ءسوزىن جالعاستىردى نۇروۆ.
مۇز ايدىنى دەمالىسسىز جۇمىس ىستەيدى. الايدا، ەپيدەمياعا بايلانىستى «مەدەۋ» باسشىلىعى كەلۋشىلەردى مۇمكىندىگىنشە مۇز ايدىنىنا كەلمەۋىن سۇرايدى.
«مەن مۇنى ايتامىن دەپ ەشقاشان ويلاماپپىن. قازىر مەن الماتىلىقتارعا، قالا قوناقتارىنا ايتۋعا ءماجبۇرمىن: دوستار، ەگەر سىزدە "مەدەۋگە" بارماۋعا مۇمكىندىگىڭىز بولسا، بۇل ساپاردى ەڭ جاقسى ۋاقىتقا قالدىرىڭىز، اسىرەسە دەنساۋلىعىڭىزدا قانداي دا ءبىر قاۋىپ بار دەپ ويلاساڭىز، - دەيدى نايل نۋروۆ.
د. ارعىنگەلدى،
“ادىرنا” ۇلتتىق پورتالى
