19 qarasha kúni Almatyda " Medeý "muz aıdyny ashyldy. Al koronavırýstyq pandemııaǵa baılanysty qandaı shekteýler engizildi, oqı otyryńyzdar.
Almatynyń bas sanıtarlyq dárigeri Jandarbek Bekshınniń 9 qarashada jarıaılanǵan jańa qaýlysyna sáıkes «Medeýge» 19-30 qarasha aralyǵynda testilik rejımde jumys isteýge ruqsat etilgen. Bul degenimiz, 10 kúnnen soń sanıtarlyq dárigerler muz aıdynynda sanıtarlyq talaptardyń qalaı saqtalǵanyn teksere alatyn bolady. Eger bári jaqsy bolsa, muz aıdyny jumysyn jalǵastyrady.
«Biz «Medeý» tarıhynyń 48 jylynda muz aıdyny alǵash ret jumys istemeıdi dep alańdadyq. Qala basshylyǵy bizdiń aldymyzǵa qonaqtardyń osynda bolýynyń qaýipsizdigin qamtamasyz etetin jumys algorıtmin ázirleý mindetin qoıdy. Osydan soń biz qatań ákimshilik jolǵa tústik. Ádettegideı, ár sessııaǵa shamamen 4 myń adam qatysady, qazir biz bir sessııaǵa 500 adamnan turatyn shekarany ornattyq. Bul eń mańyzdy shekteý sátteriniń biri, - deıdi "Medeý" basshysy Naıl Nurov.
Ekinshi shekteý: jumys istemeıtin kassalar. Endi bıletterdi tek onlaın satyp alýǵa bolady. Bul kezek bolmas úshin jáne kelýshilerdiń sanyn baqylaý úshin jasaldy.
"Sondaı-aq, muz aıdyny boıynsha qozǵalýdyń erekshe rejımi: tek bir baǵytta. Qonaqtar bir qaqpadan ótip, basqalary arqyly shyǵady. Bul baǵyttar bir-birimen qıylyspaıdy. Konkıdi jalǵa berýdiń erekshe rejımi bar. Qazir kúnine bir retten artyq konkı jalǵa bermeımiz. Konkı jalǵa beriledi, qonaq eki saǵat boıy júredi, sodan keıin konkıler qaıta daıarlaýǵa túsedi. Iaǵnı, olardy keptiredi, dezınfekııalaıdy, ýltrakúlginmen óńdeıdi, tek bir táýlik ótken soń qaıta beredi, - dep sózin jalǵastyrdy Nurov.
Muz aıdyny demalyssyz jumys isteıdi. Alaıda, epıdemııaǵa baılanysty «Medeý» basshylyǵy kelýshilerdi múmkindiginshe muz aıdynyna kelmeýin suraıdy.
«Men muny aıtamyn dep eshqashan oılamappyn. Qazir men almatylyqtarǵa, qala qonaqtaryna aıtýǵa májbúrmin: dostar, eger sizde "Medeýge" barmaýǵa múmkindigińiz bolsa, bul sapardy eń jaqsy ýaqytqa qaldyryńyz, ásirese densaýlyǵyńyzda qandaı da bir qaýip bar dep oılasańyz, - deıdi Naıl Nýrov.
D. Arǵyngeldi,
“Adyrna” ulttyq portaly
