ءماجىلىس دەپۋتاتى زاعيپا باليەۆا جەتىم بالالاردىڭ بالالار ۇيىندە بولۋىن التى جاسقا دەيىن ۇزارتۋدى سۇرادى. ونىڭ ايتۋىنشا، بالالاردى ارنايى ۇيدە ۇستاۋ ۋاقىتىن ءۇش-ءتورت جىلدا ءبىتىرۋ بالالاردىڭ پسيحولوگيالىق جاراقاتىنا الىپ كەلەدى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
"بۇگىندە ەلىمىزدە 20 بالالار ءۇيى جۇمىس ىستەيدى، وندا ءۇش جاسقا دەيىنگى جانە ءتورت جاسقا دەيىنگى مۇمكىندىگى شەكتەۋلى بالالار بار. جىل سايىن 200-گە جۋىق بالا بالالار ۇيلەرىنە نەمەسە مامانداندىرىلعان ينتەرناتتارعا اۋىستىرىلادى. سابيلەر ۇيلەرىنەن بالالار ۇيىنە نەمەسە 3-4 جاستاعى مامانداندىرىلعان ينتەرناتقا اۋىستىرۋ بالالاردا وتكىر پسيحولوگيالىق جاراقات پەن سترەستى تۋدىرادى", - دەپ مالىمدەدى باليەۆا پرەمەر-مينيستر اسقار ءماميننىڭ اتىنا جولداعان ساۋالىندا.
ونىڭ ايتۋىنشا، 6 جاسقا دەيىن، عالىمدار مەن پسيحولوگتاردىڭ پىكىرىنشە، بالا ەرەكشە كۇتىمدى، سەنىمدى ورتانى قاجەت ەتەدى، ويتكەنى ءدال وسى كەزەڭدە بالا تۇلعا رەتىندە قالىپتاسادى.
"بالالار ۇيىندەگى تاربيەشى پەداگوگ قىزمەتكەردىڭ قىزمەتىن عانا اتقارمايدى، كوپ جاعدايدا ول ءسابيگەاناسىنداي بولادى. مۇنداي ءوزارا بايلانىس مۇمكىندىگىن ساقتاۋ جانە ۇزارتۋ وتە ماڭىزدى.بالاعا مەكتەپكە دەيىنگى بالالىق شاقتى ونى تۇسىنەتىن جاقىن ادامدار اراسىندا وتكىزۋگە، بولاشاقتا بالاعا قاجەتتى داعدىلار مەن ءبىلىم الۋعا مۇمكىندىك بەرەدى", - دەپ اتاپ ءوتتى دەپۋتات.
ول پرەمەر-مينيستردەن جەتىم بالالاردىڭ سابيلەر ۇيلەرىندە بولۋىن التى جاسقا دەيىن ۇزارتۋدى سۇرادى.
«ادىرنا» ۇلتتىق پورتالى
