كوممۋنيستىك پارتيانىڭ تاريحىنان قىسقاشا ءۇزىندى
لەنين ولگەسىن (1924), پارتياداعى ەكىنشى ادام، جولداس تروتسكي — ساتقىن بولىپ شىقتى.
ءسويتىپ، كامەنەۆ، زينوۆەۆ، بۋحارين جانە ستالين تروتسكيدى قۇلاتىپ، ونى كسرو-دان ءبىرجولاتا قۋىپ شىقتى (1927).
الايدا بىرەر جىل وتكەسىن، كامەنەۆ، زينوۆەۆ ي بۋحارينداردىڭ دا حالىق جاۋى، ۇلت زيانكەستەرى ەكەنى انىقتالادى. سودان وجەتتى ءھام باتىل، جولداس گەنريح ياگودا ولاردى تۇتقىنداپ، قاماققا الادى (1936).
كەيىنىرەك، ياگودا مىرزانى جاۋدىڭ تىڭشىسى دەگەن ايىپپەن ەجوۆ تۇتقىنعا الادى (1937).
تاعى بىرنەشە جىلدان كەيىن ەجوۆتىڭ دا جولداستىقتان ادا، بارىپ تۇرعان ساتقىن، حالىق جاۋى ەكەى ءمالىم بولادى. ونى بەريا تۇتقىندايدى (1938).
ستالين قايتىس بولعان سوڭ (1953), بەريانىڭ دا ساتقىن ەكەنى اشكەرەلەنەدى. ونى جۋكوۆ تار قاماققا الىپ، سوتتايدى (1953).
كەيىن حرۋششەۆ جۋكوۆتىڭ ءوزى جاۋ ءارى قاستاندىق جاساۋشى ەكەنىن ءبىلىپ قويىپ، ونى ۋرالعا ايداۋعا جىبەرەدى.
سودان تاعى ءبىراز ۋاقىتتان سوڭ، كەڭەس ۇكىمەتىنىڭ باستى جاۋى، ۇلت زيانكەسى، عاسىر زالىمى ستالين ەكەنى بەلگىلى بولادى (1956). ونىمەن قوسا ساياسي بيۋرونىڭ باسىم بولىگى حالىق جاۋى تانىلادى. ناتيجەسىندە، ادال پارتيا قۇرعان حرۋششەۆ ءستالينىڭ دەنەسىن موۆزولەيدەن شىعارىپ، شەپيلوۆ باستاعان پوليتبيۋرونىڭ ءزالىم وكىلدەرىن تىم-تىراقاي قۋادى (1957).
ارادا بىرنەشە جىل وتكەسىن، حرۋششەۆتىڭ دا ساتقىن، ۆوليۋنتاريست، ارامزا ءارى ناعىز ءاۆانتيۋريستىڭ ءوزى ەكەنى انىقتالدى. ءسويتىپ برەجنەۆ ونى زەينەتكە جىبەرەدى (1964).
ال، برەجنەۆ كەلمەسكە كەتكەسىن ونىڭ دا ۇلتقا اسا جانى اشىماعانى، ەلدى توقىراۋعا ۇشىراتقان زيانكەس ەكەنىن قىزمەتتەس ارىپتەستەرى ءبىلىپ قويىپ، جاعاسىن ۇستايدى (1964-82). ودان كەيىن تاعى ەكى باسشى بولدى. بىراق ولار ەشكىمنىڭ ەسىندە جوق (1982-85).
سودان سوڭ بيلىككە جاس، ەنەرگياسى تاسىپ تۇرعان، جاڭاشىل گورباچەۆ كەلەدى. كەلە سالا پارتيا تەك زىمزيا ارامزالاردان، كىلەڭ ساتقىنداردان قۇرالعانىن اشكەرەلەپ، پوليۋتبيۋرونى رەتكە كەلتىرۋدى باستاپ كەتەدى. وسى كەزدە كسرو تارايدى (1991).
بارىنە كىنالى دەپ،ساتقىن ءارى حالىق جاۋى گورباچەۆ ايىپتالادى!
اتىن اتاماۋىمىزدى وتىنگەن ءبىر وقىرمانىمنىڭ حاتى..
فوتو اشىق دەرەككوزدەن الىندى.
