Kommýnıstik partııanyń tarıhynan qysqasha úzindi
Lenın ólgesin (1924), partııadaǵy ekinshi adam, joldas Trokıı — satqyn bolyp shyqty.
Sóıtip, Kamenev, Zınovev, Býharın jáne Stalın Trokııdi qulatyp, ony KSRO-dan birjolata qýyp shyqty (1927).
Alaıda birer jyl ótkesin, Kamenev, Zınovev ı Býharındardyń da halyq jaýy, ult zııankesteri ekeni anyqtalady. Sodan ójetti hám batyl, joldas Genrıh Iagoda olardy tutqyndap, qamaqqa alady (1936).
Keıinirek, Iagoda myrzany jaýdyń tyńshysy degen aıyppen Ejov tutqynǵa alady (1937).
Taǵy birneshe jyldan keıin Ejovtyń da joldastyqtan ada, baryp turǵan satqyn, halyq jaýy ekei málim bolady. Ony Berııa tutqyndaıdy (1938).
Stalın qaıtys bolǵan soń (1953), Berııanyń da satqyn ekeni áshkerelenedi. Ony Jýkov tar qamaqqa alyp, sottaıdy (1953).
Keıin Hrýev Jýkovtyń ózi jaý ári qastandyq jasaýshy ekenin bilip qoıyp, ony Ýralǵa aıdaýǵa jiberedi.
Sodan taǵy biraz ýaqyttan soń, keńes úkimetiniń basty jaýy, ult zııankesi, ǵasyr zalymy Stalın ekeni belgili bolady (1956). Onymen qosa saıası bıýronyń basym bóligi halyq jaýy tanylady. Nátıjesinde, adal partııa qurǵan Hrýev Stalıniń denesin movzoleıden shyǵaryp, Shepılov bastaǵan polıtbıýronyń zálim ókilderin tym-tyraqaı qýady (1957).
Arada birneshe jyl ótkesin, Hrýevtyń da satqyn, volıýntarıst, aramza ári naǵyz avantıýrıstiń ózi ekeni anyqtaldy. Sóıtip Brejnev ony zeınetke jiberedi (1964).
Al, Brejnev kelmeske ketkesin onyń da ultqa asa jany ashymaǵany, eldi toqyraýǵa ushyratqan zııankes ekenin qyzmettes áriptesteri bilip qoıyp, jaǵasyn ustaıdy (1964-82). Odan keıin taǵy eki basshy boldy. Biraq olar eshkimniń esinde joq (1982-85).
Sodan soń bılikke jas, energııasy tasyp turǵan, jańashyl Gorbachev keledi. Kele sala partııa tek zymzııa aramzalardan, kileń satqyndardan quralǵanyn áshkerelep, polıýtbıýrony retke keltirýdi bastap ketedi. Osy kezde KSRO taraıdy (1991).
Bárine kináli dep,satqyn ári halyq jaýy Gorbachev aıyptalady!
Atyn atamaýymyzdy ótingen bir oqyrmanymnyń haty..
Foto ashyq derekkózden alyndy.
