تارازداعى تۇرعىن ۇيلەردىڭ بىرىندە قارت انانى پىشاقتاپ، كەلىنىن باۋىزداپ كەتكەن، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ.
جانتۇرشىگەرلىك وقيعانى ءبىرىنشى بولىپ، ۇيىنە كەلگەن وتاعاسى كورگەن. ول دەرەۋ پوليتسياعا حابارلاسىپ، دارىگەرلەردى شاقىرتقان. الايدا قانسىراعان ايەلىنىڭ ءومىرىن امان ساقتاپ قالۋ مۇمكىن بولمادى. ال اناسى جانساقتاۋ بولىمىندە جاتىر.
«اعىمداعى جىلدىڭ 16-قاراشاسىندا 102 پۋلتىنە 42-جاستاعى ەر ادام حابارلاسىپ، ۇيىنەن پىشاق جاراقاتتارىن العان اناسى مەن جۇبايىن تاپقانى تۋرالى ارىزدانعان»،-دەدى جامبىل وبلىسى پد ىشكى جانە سىرتقى كوممۋنيكاتسيالار ءبولىمىنىڭ مامانى بەگمان قۇتمىرزاەۆ.
ءتارتىپ ساقشىلارى كۇدىكتىنى بىردەن قولعا ءتۇسىرىپتى. قاسكوي 40-جاستاعى جامبىل وبلىسى پريگورودنىي اۋىلىنىڭ تۇرعىنى. ول بۇعان دەيىن دە ادام ءولىمى مەن قىز زورلاۋ دەرەگى بويىنشا سوتتالعان. ەر ادام وزىنە تاعىلعان بار ايىپتى مويىنداپتى. ول ءوز ارەكەتىن داستارحان باسىنداعى ۇرىس-كەرىستەن كەيىن بولدى دەپ تۇسىندىرگەن. قازىر بولعان جايت بويىنشا تەرگەۋ امالدارى ءجۇرىپ جاتىر.
«ادىرنا» ۇلتتىق پورتالى
