پاۆلودار وبلىسىنىڭ اۋماعىندا جىل باسىنان بەرى وتباسىلىق-تۇرمىستىق قاتىناستار سالاسىندا 2514 اكىمشىلىك قۇقىق بۇزۋشىلىق تىركەلگەن، – دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.
6 قاراشادا ايەل ادام پاۆلودار قالاسىنىڭ پوليتسەيلەرىنە بىرگە تۇراتىن ەر ادامنىڭ وتباسىلىق جانجال شىعارعانىن ايتىپ، شاعىمدانعان. كورسەتىلگەن مەكەنجايعا كەلگەن پوليتسيا قىزمەتكەرلەرى وتباسىنداعى اۋىزشا ايتىستىڭ توبەلەسكە ۇلاسىپ، ەر ادامنىڭ ايەلگە قول جۇمساعانىن انىقتادى. وتاعاسىنىڭ ىشىمدىك ىشكەنى ەرلى-زايىپتىلاردىڭ اراسىنداعى كيكىلجىڭنىڭ سەبەبى بولعان.
قۇقىق بۇزۋشىعا قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 73-بابىمەن (وتباسى-تۇرمىستىق قاتىناستار اياسىنداعى قۇقىققا قارسى ارەكەتتەر) حاتتاما تولتىرىلدى. مۇنداي وتباسىلىق قاقتىعىستاردىڭ پوليتسياعا كۇن سايىن تۇسەتىنىن ايتا كەتۋ كەرەك.
– « 2020 جىلدىڭ 10 ايىندا پاۆلودار وبلىسىنىڭ اۋماعىندا وتباسىلىق-تۇرمىستىق قاتىناستار سالاسىندا 2 514 اكىمشىلىك قۇقىق بۇزۋشىلىق جاسالدى»،-دەدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
«ادىرنا» ۇلتتىق پورتالى
