جانىبەك ءالىمحانۇلى International Boxing Federation تۇجىرىمى بويىنشا ورتا سالماقتاعى الەم چەمپيونى اتاعىنان ايىرىلدى، دەپ حابارلايدى «ادىرنا» ءتىلشىسى.
فەدەراتسيا ەرەجەسىنە سايكەس، وتانداسىمىز ءوز بەلدىگىن توعىز اي (2026 جىلدىڭ 4 شىلدەسىنە دەيىن) ىشىندە قورعاۋى ءتيىس.
«بۇگىن ءبىر ساعات بۇرىن IBF شەشىمى كەلدى. IBF ۇيىمىنىڭ قاتال ەرەجەلەرى بار، حاتىندا سوعان سىلتەمە جاسالعان. حاتقا سايكەس، جانىبەك ءالىمحانۇلى 2026 جىلعى 2 جەلتوقسانعا دەيىن شەتتەتىلەدى. سونداي-اق، ەرەجەلەر بويىنشا ءاربىر چەمپيون ءوز بەلبەۋىن توعىز اي ىشىندە قورعاۋى ءتيىس، ياعني جانىبەك ونى 2026 جىلعى 4 شىلدەگە دەيىن قورعاۋى قاجەت»،– دەدى قازاقستان كاسىپقوي بوكس فەدەراتسياسىنىڭ پرەزيدەنتى راحىمجان ەردەنبەكوۆ.
ول ءالىمحانۇلىنىڭ بيىل ۇلكەن رينگكە قايتا ورالىپ، بۇرىنعىدان دا مىقتى بولارىنا سەنەتىنىن جەتكىزدى.
«الداعى ۋاقىتتا ول بارلىق ءتورت الەمدىك بەلبەۋدى جەڭىپ الادى دەپ ويلايمىن. سونىمەن قاتار جانىبەك كومانداسى بۇل شەشىمگە قاتىستى اپەللياتسيا بەرەتىن بولادى»، – دەدى ەردەنبەكوۆ.
قازىرگى تاڭدا وتانداسىمىزدىڭ ەنشىسىندە تەك WBO چەمپيوندىق اتاعى قالدى.
ەسكە سالايىق، 2025 جىلدىڭ جەلتوقسانىندا ءالىمحانۇلى دوپينگ سىناماسىنان وتە الماعان ەدى. سونداي-اق قازاقستاننىڭ كاسىبي بوكس فەدەراتسياسى سپورتشىنى التى ايعا جەكپە-جەكتەرگە قاتىسۋدان شەتتەتكەن.
