جاڭا Media Club اشىلدى

2788
Adyrna.kz Telegram

كەشە KAZGUU ۋنيۆەرسيتەتىندە MEDIA CLUB اشىلدى، دەپ حابارلايدى «ادىرنا» ۇلتتىق پورتالى. كلۋب جۋرناليستەر, ءباسپاسوز قىزمەتكەرلەرى، PR-ماماندارى، ديپلومات, پىكىرسايىسشى, قوعام بەلسەندىلەرى، ساراپشىلار مەن بلوگەرلەر باس قوساتىن الاڭعا اينالماق.

الداعى ۋاقىتتا وتاندىق مەديا سالاسىندا قىزمەت ەتىپ جۇرگەن ماماندار ۋنيۆەرسيتەتكە كەلىپ، بءىر-بىرىمەن تاجىريبە الماسادى. كءاسىبي بىلىكتىلىگىن ارتتىرىپ، بەيرەسمي كەزدەسۋلەرگە قاتىسادى. سونداي-اق ۋنيۆەرسيتەت تاراپىنان بەرىلەتىن مۇمكىندىكتەردىپايدالانۋ ارقىلى شىعارماشىلىقتارىن دامىتىپ، ءوزارا بايلانىستى ورناتادى. MEDIA CLUB اشىلۋ سالتاناتىندا م.س.نارىكباەۆ اتىنداعى كازگيۋ ۋنيۆەرسيتەتىنىڭ باسقارما توراعاسى ساراپشىلار مەن جۋرناليستەر اراسىندا قۇقىقتىق، الەۋمەتتىك-ەكونوميكالىق ديالوگ قۇرىلاتىنىن ايتتى.

"جۋرناليستەردىڭ كاسىبي دەڭگەيىن كوتەرۋ بۇكىل ەل ءۇشىن قاجەت. جۋرناليست جاقسىنى جامان دەسە حالىق سوعان سەنەدى، جاماندى جاقسى دەسە دە يلانادى. سوندىقتان ءجۋرناليستىڭ الدىمەن ادال، سوسىن ساۋاتتى بولۋى ماڭىزدى. سايكەسىنشە ءبىز الەۋمەتتىك جاۋاپكەرشىلىگىمىزدى تۇسىنە وتىرىپ، ۋنيۆەرسيتەت تاراپىنان جۋرناليستەردى كاءسىبي تۇرعىدا جەتىلدىرۋ باعىتى بويىنشا كومەكتەسەمىز",- دەيدى تالعات نارىكباەۆ.

اتالعان ۋنيۆەرسيتەت ەلىمىزدە سالالىق جۋرناليستيكانى دامىتۋدى قولعا الدى. شەت ەلدىڭ جوعارى وقۋ ورىندارىن بىتىرگەن ۋنيۆەرسيتەت پروفەسسورلارى باق وكىلدەرىنىڭ زاڭ، قۇقىق، الەۋمەتتانۋ, ەكونوميكا جانە قارجى سالالارى بويىنشا ءبىلىءمىن جەتىلدىرۋگە كومەكتەسۋدە. وسىمەن ەكىنشى رەت ۇيىمداستىرىلىپ وتىرعان وقىتۋ كۋرسىنا وڭىرلەردەن، نۇر-سۇلتان قالاسىنان جۋرناليستەر قاتىسىپ، بۇگىن ۋنيۆەرسيتەت باسشىلىعىنىڭ ماراپاتىن الدى.

"KAZGUU ۋنيۆەرسيتەتى MEDIA CLUB اياسىندا
جۋرناليستەر ءۇشىن "ZAN & MEDIA" دەپ اتالاتىن ارنايى ءۇش كۇندىك كۋرس ۇيىمداستىردى. بۇل تۇراقتى تۇردە جالعاسىن تابادى. دامىعان ەلدەردە جۋرناليست ءبىر عانا سالاعا ماماندانادى.ءبىزدىڭ ماقساتىمىز - قازاقستاندا سالالىق جۋرناليستيكانى دامىتۋعا وزىندىك ۇلەسىمىزدى قوسۋ",-دەيدى باسقارما توراعاسىنىڭ ورىنباسارى ەربولات مۇحامەدجان.

«كلۋبتىڭ جارعىسىن دايىنداۋ بويىنشا ارنايى جۇمىس توبى قۇرىلدى. ۋنيۆەرسيتەت باسشىلىعى مەديا سالاسىنا قاتىسى بار بارشا ماماندى كلۋب مۇشەلىگىنە شاقىرادى»،-دەلىنگەن حابارلامادا.

«ادىرنا» ۇلتتىق پورتالى

پىكىرلەر