Jańa Media Club ashyldy

2793
Adyrna.kz Telegram

Keshe KAZGUU ýnıversıtetinde MEDIA CLUB ashyldy, dep habarlaıdy «Adyrna» ulttyq portaly. Klýb jýrnalıster, baspasóz qyzmetkerleri, PR-mamandary, dıplomat, pikirsaıysshy, qoǵam belsendileri, sarapshylar men blogerler bas qosatyn alańǵa aınalmaq.

Aldaǵy ýaqytta otandyq medıa salasynda qyzmet etip júrgen mamandar Ýnıversıtetke kelip, bir-birimen tájirıbe almasady. Kásibı biliktiligin arttyryp, beıresmı kezdesýlerge qatysady. Sondaı-aq Ýnıversıtet tarapynan beriletin múmkindikterdipaıdalaný arqyly shyǵarmashylyqtaryn damytyp, ózara baılanysty ornatady. MEDIA CLUB ashylý saltanatynda M.S.Nárikbaev atyndaǵy KAZGIýÝ Ýnıversıtetiniń Basqarma tóraǵasy sarapshylar men jýrnalıster arasynda quqyqtyq, áleýmettik-ekonomıkalyq dıalog qurylatynyn aıtty.

"Jýrnalısterdiń kásibı deńgeıin kóterý búkil el úshin qajet. Jýrnalıst jaqsyny jaman dese halyq soǵan senedi, jamandy jaqsy dese de ılanady. Sondyqtan jýrnalıstiń aldymen adal, sosyn saýatty bolýy mańyzdy. Sáıkesinshe biz áleýmettik jaýapkershiligimizdi túsine otyryp, ýnıversıtet tarapynan jýrnalısterdi kásibı turǵyda jetildirý baǵyty boıynsha kómektesemiz",- deıdi Talǵat Nárikbaev.

Atalǵan ýnıversıtet elimizde salalyq jýrnalıstıkany damytýdy qolǵa aldy. Shet eldiń joǵary oqý oryndaryn bitirgen ýnıversıtet professorlary BAQ ókilderiniń zań, quqyq, áleýmettaný, ekonomıka jáne qarjy salalary boıynsha bilimin jetildirýge kómektesýde. Osymen ekinshi ret uıymdastyrylyp otyrǵan oqytý kýrsyna óńirlerden, Nur-Sultan qalasynan jýrnalıster qatysyp, búgin Ýnıversıtet basshylyǵynyń marapatyn aldy.

"KAZGUU Ýnıversıteti MEDIA CLUB aıasynda
jýrnalıster úshin "ZAN & MEDIA" dep atalatyn arnaıy úsh kúndik kýrs uıymdastyrdy. Bul turaqty túrde jalǵasyn tabady. Damyǵan elderde jýrnalıst bir ǵana salaǵa mamandanady.Bizdiń maqsatymyz - Qazaqstanda salalyq jýrnalıstıkany damytýǵa ózindik úlesimizdi qosý",-deıdi Basqarma tóraǵasynyń orynbasary Erbolat Muhamedjan.

«Klýbtyń jarǵysyn daıyndaý boıynsha arnaıy jumys toby quryldy. Ýnıversıtet basshylyǵy medıa salasyna qatysy bar barsha mamandy klýb músheligine shaqyrady»,-delingen habarlamada.

«Adyrna» ulttyq portaly

Pikirler