جاس وتان جاستارىنىڭ ەڭبەكقورلىعىن كورەر كوز، ەستىر قۇلاق مويىنداپ ءجۇر. دەگەنمەن كەي ازاماتتار جاس وتاننىڭ جۇيەلى جۇمىسىنان حاباردار بولىپ وتىرعاندى قۇپ كورەدى. سوندىقتان پورتال ءتىلشىسى Jas Otan جاستار ۇيىمىنىڭ توراعاسى ەلنۇر بەيسەنباەۆتان ۇيىمنىڭ ىشكى احۋالى، الداعى جوسپارلارى تۋرالى پىكىرلەسكەن ەدىك. ەندەشە سۇبەلى اڭگىمەمىزدەن سۋسىنداي وتىرىڭىز، وقىرمان!
-"Jas Otan" جاستاردىڭ ماسەلەسىن قانشالىقتى قاۋزاپ جاتىر؟
- ارينە، «بولام دەگەن بالانىڭ بەتىنەن قاقپا، بەلىن بۋ» دەپ بەكەر ايتپاعان عوي. جانام دەگەن جۇرەككە وت بەرۋگە قاشاندا دايىنبىز. ماسەلەن، «Z ۇرپاقتارىنىڭ» ازاماتتىق ۇستانىمدارى، ساپالى ءبىلىم الۋى، جۇمىسسىزدىق، باسپانا، بوس ۋاقىتتارىن ءتيىمدى پايدالانۋ دەگەن سەكىلدى تۇىتكىلدى ماسەلەلەر ءبازدا الاڭداتپاي قويمايدى. وسى اتالعان باعىتتار بويىنشا ءبىز اۋقىمدى باعدارلاما ازىرلەۋ ۇستىندەمىز. ال وسى كۇنگە دەيىن ءتۇرلى شارالار، كونكۋرستار، ويىندار ۇيىمداستىرۋ ارقىلى اتالعان ماسەلەلەرىنىڭ شەشىمىن تابۋعا ىنتا-شىنتامىزبەن كىرىسكەن ەدىك. دەگەنمەن اۋقىمدىراق بولسىن دەگەن نيەتپەن، جاستار اراسىندا ساۋالناما جۇرگىزۋ ارقىلى الەۋمەتتىك حال-اقۋالىن كوتەرۋگە ىقپال ەتۋگە ءتيىس ەكەنىمىزدى ۇقتىق.
- پاندەميا كەزىندە جاسوتاندىقتاردىڭ دا قاراپايىم حالىققا تيگىزگەن ۇلەسى زور بولعان شىعار؟
- 15 شىلدە كۇنى جاسوتاندىقتاردىڭ باستاماسىمەن «دارىگەرلەرگە مىڭ العىس» رەسپۋبليكالىق اكتسياسى باستادىق. جالپى اتالعان اكتسياعا ەل بوي̆ىنشا 445 ۆولونتەر جۇمىلدىرىلدى. ۆولونتەرلاردىڭ بارلىعى بىرنەشە باعىتتا جۇمىس اتقاردى: ءبىراز ۋاقىت بوي̆ى ءوز وتباسىلارىنان وقشاۋلاۋعا ءماجبۇر بولعان 3 452 ورتا بۋىن مەديتسينا قىزمەتكەرلەرىنە «العىس پاكەتتەرىن» تابىستادى. اتالعان جيىنتىقتار دارىگەرلەردىڭ ۇسىنىستارى مەن تىلەكتەرى بوي̆ىنشا جينالعان بولاتىن. اتاپ اي̆تقاندا، پاكەتتەرگە يمۋنيتەتتى كوتەرۋ ءۇشىن بال، ليمون، جەنت، ءۇزىلىس كەزىندە شاي̆مەن ىشەتىن تاتتىلەر، سونىمەن قاتار قولعاپتاردى كيۋدەن پاي̆دا بولعان قولاي̆سىزدىقتاردىڭ الدىن الۋ ءۇشىن قول كرەمى، ماي̆لىقتار جانە ت.ب. سالىندى.⠀COVID-19 ناۋقاستارىمەن تىكەلەي̆ باي̆لانىستاعى دارىگەرلەردىڭ يممۋنيتەتىن كوتەرۋ ءۇشىن مەديتسينالىق مەكەمەلەرگە 465 ليتر قىمىز جانە 150 ليتر شۇبات جەتكىزىلدى. بۇدان باسقا، 11,5 توننا اۋىز سۋى جانە 3 «بوبروۆ» اپپاراتى ۇسىنىلدى. تۇركىستان وبلىسىندا «SHIPA» جانە «O2MIR» جوبالارى ىسكە قوسىلدى. «O2MIR» جوباسى اياسىندا ەلىمىزدە تاپشى بولىپ وتىرعان وتتەگى اپپاراتتارى شەتەلدەردەن وڭىردەگى ەمحانالارعا جەتكىزىلدى. ال «SHIPA» جوباسى ارقىلى ورتا دەڭگەي̆دەگى ءدارى-دارمەكتەر قوراپشالارى داي̆ىندالىپ، 300 از قامتىلعان وتباسىعا ۇلەستىرىلدى. سونداي̆-اق، بارلىق وڭىرلەردە قوعامدىق ورىنداردا ازاماتتىق جاۋاپكەرشىلىكتى ارتتىرۋ ماقساتىندا تۇرعىندارعا ماسكا تاراتىلىپ، تۇسىندىرمە جۇمىستارى جۇرگىزىلۋدە. جوعارىدا كورسەتىلگەن باعىتتار بوي̆ىنشا جۇمىس ءالى دە جۇرگىزىلەتىن بولادى.
- تاماشا! بۇگىنگى جاستاردىڭ بويىندا رۋحاني جىگەر، كۇش-قايرات دەگەن جەتىپ ارتىلادى. دەگەنمەن ولاردى دا قوزعاۋشى كۇش كەرەك. جاستاردى قالاي موتيۆاتسيالايسىزدار؟
- ارينە، جاس تۇرماق ۇلكەن كىسىلەرگە ءومىر سۇرۋگە ستيمۋل، موتيۆاتسيا كەرەك-اق. سوندىقتان ولارعا اباي ايتقان ءۇش ارسىزدان ساقتانۋ كەرەكتىگىن بارىنشا ءتۇسىندىرىپ باعامىز. سەمينار-ساباقاتىسۋعا مۇمكىندىك جاسايمىز. سونىمەن قاتار، جاس وتاندا بولىپ، ۆولونتەر رەتىندە ەرىكتى ەڭبەككە ارالاسىپ، قولدان كەلگەنشە كومەك كورسەتىپ، اقىلى مەن جانىن، جۇرەگىن جۇمىسقا ارناعان جاستارعا موتيۆاتسيا رەتىندە سىي-سياپاتتار دا بەرەمىز. جاستاردىڭ ورتاسى قاشاندا قىزىق دۋمانعا تولى عوي. ولار دا وزدەرىنىڭ ورتاسىن جوعالتىپ العىسى كەلمەيدى. 20 جىلدىق قالىپتاسۋ كەزەڭىنەن وتكەن جاستار ۇيىمىنىڭ بەرەرى مول ەكەنىن وزدەرى جاقسى تۇسىنەدى. ⠀
- ەلىمىزدە جۇمىستا دا، وقۋ دا جوق NEET جاستارى بارشىلىق. ولارعا قانداي كومەك كورسەتۋدەسىزدەر؟
- NEET جاستارىنا ارنالعان مەملەكەت تاراپىنان ۇسىنىلعان جوبالاردىڭ باسىم بولىگىنە قاتىسۋدامىز. ديسكۋستىق الاڭدار، سپورتتىق شارالار، ءجيى وتكىزىلەتىن جيىندار ءبارى-ءبارى NEET جاستارىنا ارنالعان. جۇمىسسىزدىقتى تۇبەگەيلى جويۋعا ءبىر عانا جاس وتاننىڭ عانا ەمەس، وزگە دە مەملەكەتتىك ورگاندار ۇلەس قوسۋى كەرەك. شىن مانىندە جۇمىس جوق ەمەس، بار. تەك ىزدەنۋ كەرەك، ەڭبەك ەتۋ كەرەك، جۇرەكتە قاجىر-قايرات بولۋ كەرەك. «جۇمىسى جوقتىق، تاماعى توقتىق–ازدىرار ادام بالاسىن» دەپ ءدال ايتىلعان. ءتىپتى جاستاردىڭ جۇمىسسىزدىق ماسەلەسىن شەشۋ ءۇشىن «كەڭەس» ورتالىقتارى دا اشىلعان. كەڭەس ورتالىقتارى جاستاردىڭ جانىنا قاجەتتىڭ بارىنە كەڭەس بەرىپ، جاڭا باعدارلامالارعا قاتىسۋعا نۇسقاۋ بەرەدى. بۇگىنگى جاستاردىڭ باستى ماسەلەسى باسپانا مەن جۇمىسقا كەلىپ تىرەلەتىنى اقيقات. باسپانا ماسەلەسىن «جاس وتباسى» باعدارلاماسى ارقىلى شەشۋگە بارىمىزدى سالۋدامىز. ياعني جەڭىلدەتىلگەن نەسيە ارقىلى باسپاناعا باعىت بەرمەكپىز. ودان بولەك 17 جاتاقحاناعا مونيتورينگ جۇرگىزىپ، پارتيالىق سايلاۋدىڭ كۇن تارتىبىنە ەنگىزدىك. سول جەردە جاتاقحانا ماسەلەسى بارىنشا قارالادى.
- جاس وتان دەسە ويىمىزعا ءسوزسىز نۇر وتان ورالادى. سوندىقتان بولار حالىق "جاس وتاننىڭ" اتقارىپ جاتقان جۇمىستارىنان حابارسىز. "جاس وتاننىڭ" بولاشاققا قانداي جوسپارلارى بار؟ قانداي شارالار ۇيىمداستىرماق ويلارىڭىز بار؟
- 20 جىلدىق تاريحى بار جاس وتان بۇگىنگى تاڭدا ورنىققان جاستار ۇيىمىنىڭ ەڭ نەگىزىگىسى بولىپ تابىلادى. سەبەبى مۇنداعى جاستار–ەلىم دەگەن، ەرتەڭىن ويلايتىن، حالقى ءۇشىن قىزمەت ەتەتىن ءۇلتشىل جاستار. بۇگىنگى تاڭدا 2025 جىلعا دەيىنگى «جاستار-وتانعا!» باعدارلاماسى ازىرلەنۋ ۇستىندە. ول باعدارلامانىڭ ەرەكشەلىگى سول – جاستاردى جان-جاقتى قولدايتىن بولادى. سونداي-اق، «Jas Otan» جاستار قاناتىنىڭ «ارداگەرلەردى ارداقتايىق»، «ەرىكتىلەر مەكتەبى»، «كەڭەس ورتالىعى» سىندى جانە ت.ب. جوبالارى جۇيەلى تۇردە جۇزەگە اسىرىلۋدا. ول، ول ما؟ ەڭبەك نارىعىنىڭ قاجەتتىلىكتەرىنە سايكەس جاستاردى كاسىپتىك دايارلاۋ، جاستاردىڭ ەلدىڭ ساياسي ومىرىنە ارالاسۋى، جاستار كاسىپكەرلىگىن دامىتۋ، تۇلعالىق دامۋ مەكتەپتەرىنىڭ دە جۇمىسىن جانداردىرۋ كۇن تارتىبىنە قويىلعان العاشقى ماسەلەلەردىڭ ءبىرى.
-سىزدىڭشە، ناعىز جاسوتاندىق دەگەن كىم؟!
- ناعىز جاسوتاندىق–تاباندىلىعىمەن ەرەكشەلەنەتىن جان.
- ناعىز جاسوتاندىق–جالىندى ءسوز بەن جاسامپاز ءىستىڭ يەگەرى.
- ناعىز جاسوتاندىق– تىڭ باستامالاردىڭ كوشباسشىسى.
- ناعىز جاسوتاندىق–شىنايى وتانسۇيگىشتىك پەن جانقيارلىق ەڭبەكتىڭ ۇلگىسى. جانە وتانىن شەكسىز سۇيەتىن پاتريوت ازامات.
«ادىرنا» ۇلتتىق پورتالى
