Jas Otan jastarynyń eńbekqorlyǵyn kórer kóz, estir qulaq moıyndap júr. Degenmen keı azamattar Jas Otannyń júıeli jumysynan habardar bolyp otyrǵandy qup kóredi. Sondyqtan portal tilshisi Jas Otan jastar uıymynyń tóraǵasy Elnur Beısenbaevtan uıymnyń ishki ahýaly, aldaǵy josparlary týraly pikirlesken edik. Endeshe súbeli áńgimemizden sýsyndaı otyryńyz, oqyrman!
-"Jas Otan" jastardyń máselesin qanshalyqty qaýzap jatyr?
- Árıne, «Bolam degen balanyń betinen qaqpa, belin bý» dep beker aıtpaǵan ǵoı. Janam degen júrekke ot berýge qashanda daıynbyz. Máselen, «Z urpaqtarynyń» azamattyq ustanymdary, sapaly bilim alýy, jumyssyzdyq, baspana, bos ýaqyttaryn tıimdi paıdalaný degen sekildi túitkildi máseleler bázdá alańdatpaı qoımaıdy. Osy atalǵan baǵyttar boıynsha biz aýqymdy baǵdarlama ázirleý ústindemiz. Al osy kúnge deıin túrli sharalar, konkýrstar, oıyndar uıymdastyrý arqyly atalǵan máseleleriniń sheshimin tabýǵa ynta-shyntamyzben kirisken edik. Degenmen aýqymdyraq bolsyn degen nıetpen, jastar arasynda saýalnama júrgizý arqyly áleýmettik hal-aqýalyn kóterýge yqpal etýge tıis ekenimizdi uqtyq.
- Pandemııa kezinde Jasotandyqtardyń da qarapaıym halyqqa tıgizgen úlesi zor bolǵan shyǵar?
- 15 shilde kúni jasotandyqtardyń bastamasymen «Dárigerlerge myń alǵys» respýblıkalyq akııasy bastadyq. Jalpy atalǵan akııaǵa el boı̆ynsha 445 volonter jumyldyryldy. Volonterlardyń barlyǵy birneshe baǵytta jumys atqardy: Biraz ýaqyt boı̆y óz otbasylarynan oqshaýlaýǵa májbúr bolǵan 3 452 orta býyn medıına qyzmetkerlerine «Alǵys paketterin» tabystady. Atalǵan jıyntyqtar dárigerlerdiń usynystary men tilekteri boı̆ynsha jınalǵan bolatyn. Atap aı̆tqanda, paketterge ımýnıtetti kóterý úshin bal, lımon, jent, úzilis kezinde sháı̆men ishetin táttiler, sonymen qatar qolǵaptardy kııýden paı̆da bolǵan qolaı̆syzdyqtardyń aldyn alý úshin qol kremi, maı̆lyqtar jáne t.b. salyndy.⠀COVID-19 naýqastarymen tikeleı̆ baı̆lanystaǵy dárigerlerdiń ımmýnıtetin kóterý úshin medıınalyq mekemelerge 465 lıtr qymyz jáne 150 lıtr shubat jetkizildi. Budan basqa, 11,5 tonna aýyz sýy jáne 3 «Bobrov» apparaty usynyldy. Túrkistan oblysynda «SHIPA» jáne «O2MIR» jobalary iske qosyldy. «O2MIR» jobasy aıasynda elimizde tapshy bolyp otyrǵan ottegi apparattary shetelderden óńirdegi emhanalarǵa jetkizildi. Al «SHIPA» jobasy arqyly orta deńgeı̆degi dári-dármekter qorapshalary daı̆yndalyp, 300 az qamtylǵan otbasyǵa úlestirildi. Sondaı̆-aq, barlyq óńirlerde qoǵamdyq oryndarda azamattyq jaýapkershilikti arttyrý maqsatynda turǵyndarǵa maska taratylyp, túsindirme jumystary júrgizilýde. Joǵaryda kórsetilgen baǵyttar boı̆ynsha jumys áli de júrgiziletin bolady.
- Tamasha! Búgingi jastardyń boıynda rýhanı jiger, kúsh-qaırat degen jetip artylady. Degenmen olardy da qozǵaýshy kúsh kerek. Jastardy qalaı motıvaııalaısyzdar?
- Árıne, jas turmaq úlken kisilerge ómir súrýge stımýl, motıvaııa kerek-aq. Sondyqtan olarǵa Abaı aıtqan úsh arsyzdan saqtaný kerektigin barynsha túsindirip baǵamyz. Semınar-sabaqatysýǵa múmkindik jasaımyz. Sonymen qatar, Jas Otanda bolyp, volonter retinde erikti eńbekke aralasyp, qoldan kelgenshe kómek kórsetip, aqyly men janyn, júregin jumysqa arnaǵan jastarǵa motıvaııa retinde syı-sııapattar da beremiz. Jastardyń ortasy qashanda qyzyq dýmanǵa toly ǵoı. Olar da ózderiniń ortasyn joǵaltyp alǵysy kelmeıdi. 20 jyldyq qalyptasý kezeńinen ótken jastar uıymynyń bereri mol ekenin ózderi jaqsy túsinedi. ⠀
- Elimizde jumysta da, oqý da joq NEET jastary barshylyq. Olarǵa qandaı kómek kórsetýdesizder?
- NEET jastaryna arnalǵan memleket tarapynan usynylǵan jobalardyń basym bóligine qatysýdamyz. Dıskýstyq alańdar, sporttyq sharalar, jıi ótkiziletin jıyndar bári-bári NEET jastaryna arnalǵan. Jumyssyzdyqty túbegeıli joıýǵa bir ǵana Jas Otannyń ǵana emes, ózge de memlekettik organdar úles qosýy kerek. Shyn máninde jumys joq emes, bar. Tek izdený kerek, eńbek etý kerek, júrekte qajyr-qaırat bolý kerek. «Jumysy joqtyq, tamaǵy toqtyq–azdyrar adam balasyn» dep dál aıtylǵan. Tipti jastardyń jumyssyzdyq máselesin sheshý úshin «Keńes» ortalyqtary da ashylǵan. Keńes ortalyqtary jastardyń janyna qajettiń bárine keńes berip, jańa baǵdarlamalarǵa qatysýǵa nusqaý beredi. Búgingi jastardyń basty máselesi baspana men jumysqa kelip tireletini aqıqat. Baspana máselesin «Jas otbasy» baǵdarlamasy arqyly sheshýge barymyzdy salýdamyz. Iaǵnı jeńildetilgen nesıe arqyly baspanaǵa baǵyt bermekpiz. Odan bólek 17 jataqhanaǵa monıtorıng júrgizip, partııalyq saılaýdyń kún tártibine engizdik. Sol jerde jataqhana máselesi barynsha qaralady.
- Jas Otan dese oıymyzǵa sózsiz Nur Otan oralady. Sondyqtan bolar halyq "Jas Otannyń" atqaryp jatqan jumystarynan habarsyz. "Jas Otannyń" bolashaqqa qandaı josparlary bar? Qandaı sharalar uıymdastyrmaq oılaryńyz bar?
- 20 jyldyq tarıhy bar Jas Otan búgingi tańda ornyqqan jastar uıymynyń eń negizigisi bolyp tabylady. Sebebi mundaǵy jastar–elim degen, erteńin oılaıtyn, halqy úshin qyzmet etetin ultshil jastar. Búgingi tańda 2025 jylǵa deıingi «Jastar-Otanǵa!» baǵdarlamasy ázirlený ústinde. Ol baǵdarlamanyń ereksheligi sol – jastardy jan-jaqty qoldaıtyn bolady. Sondaı-aq, «Jas Otan» Jastar qanatynyń «Ardagerlerdi ardaqtaıyq», «Eriktiler mektebi», «Keńes ortalyǵy» syndy jáne t.b. jobalary júıeli túrde júzege asyrylýda. Ol, ol ma? Eńbek naryǵynyń qajettilikterine sáıkes jastardy kásiptik daıarlaý, jastardyń eldiń saıası ómirine aralasýy, jastar kásipkerligin damytý, tulǵalyq damý mektepteriniń de jumysyn jandardyrý kún tártibine qoıylǵan alǵashqy máselelerdiń biri.
-Sizdińshe, naǵyz Jasotandyq degen kim?!
- Naǵyz Jasotandyq–tabandylyǵymen erekshelenetin jan.
- Naǵyz Jasotandyq–jalyndy sóz ben jasampaz istiń ıegeri.
- Naǵyz Jasotandyq– tyń bastamalardyń kóshbasshysy.
- Naǵyz Jasotandyq–shynaıy otansúıgishtik pen janqııarlyq eńbektiń úlgisi. Jáne Otanyn sheksiz súıetin patrıot azamat.
«Adyrna» ulttyq portaly
