ءىىم تەرگەۋ دەپارتامەنتىنىڭ باسشىسى سانجار ءادىلوۆ جانبولات اعادىلدىڭ ولىمىنە قاتىستى پىكىر ءبىلدىردى دەپ حابارلايدى «ادىرنا» ۇلتتىق پورتالى kaz.tengrinews.kz سايتىنا سىلتەمە جاساپ.
ونىڭ ايتۋىنشا، كۇدىكتىلەر ۇستالدى. "2020 جىلدىڭ 10 قاراشاسىندا نۇر-سۇلتانداعى كوكتال شاعىن اۋدانىندا توبەلەس بولدى. ناتيجەسىندە پىشاق جاراقاتىنان 17 جاستاعى جانبولات اعادىل كوز جۇمدى. جەدەل-تەرگەۋ توبى جشس جۇمىسشىلارى مەن تالاپكەر كەنتىنىڭ جاستارى اراسىندا قاقتىعىس بولعانىن انىقتادى. ناتيجەسىندە اقمولا وبلىسىنىڭ تالاپكەر كەنتىنەن كوكتال شاعىن اۋدانىنا 20 ادام كەلىپ، كاسىپورىننىڭ جاس قىزمەتكەرلەرى تۇراتىن جەرگە كەلگەن", - دەدى سانجار ءادىلوۆ. ونىڭ ايتۋىنشا، جانجال توبەلەسكە ۇلاسقان.
⠀"جانبولات اعادىل تالاپكەر اۋىلىنان قاقتىعىستىڭ باسقا قاتىسۋشىلارىمەن كەلگەن. كەيىننەن اعادىل سول جەردە پىشاق جاراقاتىن الىپ، كوز جۇمعان.
⠀
قىلمىستىق كودەكستىڭ 293-بابىنىڭ 3-بولىگى ("بۇزاقىلىق") بويىنشا تەرگەۋ جۇرگىزىلىپ جاتىر. 99-باپتىڭ 2-بولىگى بويىنشا ("ادام ءولتiرۋ") دا. وقيعانىڭ، توبەلەستىڭ بارلىق قاتىسۋشىسى ۇستالدى. نەگىزگى كۇدىكتىلەر دە ۇستالدى. قازىرگى ۋاقىتتا توبەلەسكە قاتىسقان ءۇش ادام، ونىڭ ىشىندە كىسى ولتىرگەن كۇدىكتى نۇر-سۇلتان پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى", - دەپ تولىقتىردى ءىىم وكىلى.
⠀
قىلمىستىق ءىس باقىلاۋدا. ناتيجەلەر تۋرالى قوسىمشا حابارلاناتىن بولادى دەدى ۆەدومستۆوداعىلار.
