IIM Tergeý departamentiniń basshysy Sanjar Ádilov Janbolat Aǵadildiń ólimine qatysty pikir bildirdi dep habarlaıdy «Adyrna» ulttyq portaly kaz.tengrinews.kz saıtyna silteme jasap.
Onyń aıtýynsha, kúdiktiler ustaldy. "2020 jyldyń 10 qarashasynda Nur-Sultandaǵy Kóktal shaǵyn aýdanynda tóbeles boldy. Nátıjesinde pyshaq jaraqatynan 17 jastaǵy Janbolat Aǵadil kóz jumdy. Jedel-tergeý toby JShS jumysshylary men Talapker kentiniń jastary arasynda qaqtyǵys bolǵanyn anyqtady. Nátıjesinde Aqmola oblysynyń Talapker kentinen Kóktal shaǵyn aýdanyna 20 adam kelip, kásiporynnyń jas qyzmetkerleri turatyn jerge kelgen", - dedi Sanjar Ádilov. Onyń aıtýynsha, janjal tóbeleske ulasqan.
⠀"Janbolat Aǵadil Talapker aýylynan qaqtyǵystyń basqa qatysýshylarymen kelgen. Keıinnen Aǵadil sol jerde pyshaq jaraqatyn alyp, kóz jumǵan.
⠀
Qylmystyq kodekstiń 293-babynyń 3-bóligi ("Buzaqylyq") boıynsha tergeý júrgizilip jatyr. 99-baptyń 2-bóligi boıynsha ("Adam óltirý") da. Oqıǵanyń, tóbelestiń barlyq qatysýshysy ustaldy. Negizgi kúdiktiler de ustaldy. Qazirgi ýaqytta tóbeleske qatysqan úsh adam, onyń ishinde kisi óltirgen kúdikti Nur-Sultan polıııa departamentiniń ýaqytsha ustaý ızolıatoryna qamaldy", - dep tolyqtyrdy IIM ókili.
⠀
Qylmystyq is baqylaýda. Nátıjeler týraly qosymsha habarlanatyn bolady dedi vedomstvodaǵylar.
