شىمكەنت قالاسىنداعى قايتپاس-1 شاعىن اۋدانىندا ورنالاسقان «قاسىرەت» مەموريالدى شاتقالىن اباتتاندىرۋ جۇمىسى قولعا الىندى. 13,6 گەكتار اۋماقتى كەزەڭ-كەزەڭمەن كوگالداندىرۋ جۇمىستارى جۇرگىزىلۋدە.
ودان وزگە، قالالىق ەنەرگەتيكا جانە كوممۋنالدىق شارۋاشىلىق باسقارماسىنىڭ مالىمەتىنشە، قالاداعى 8 ساياباق پەن 38 گۇلزاردى كۇتىپ ۇستاۋ جۇمىستارىن مەردىگەر مەكەمە «شىمكەنت جاسىل قالا» جشس-ءى جۇرگىزگەن.
بۇل جۇمىستاردان بولەك بيىل 5 گۇلزار، اتاپ ايتقاندا قوناەۆ-ع.يلياەەۆ كوش.، قوناەۆ-تۇركىستان كوش.، بايتۇرسىنوۆ ەسكەرتكىشى، 8 ش/ا اللەيا، يپپودروم اۋماعى كوگالداندىرىلعان. ال 4 گۇلزاردا («چەرنوبىل»، «ءشامشى الەمى»، «ءال-فارابي الاڭى» جانە «بالالار تەمىر جولى ستانتسياسى») قايتا قۇرۋ جۇمىستارى جۇرگىزىلىپ جاتىر.
سونداي-اق، قالاداعى 22 فونتان مەن 33 سكۆاجينانى كۇتىپ ۇستاۋ جۇمىستارىنا قارجى قارالىپ، جۇمىستار كەستەگە ساي اتقارىلۋدا.
شىمكەنت قالاسى اكىمىنىڭ ءباسپاسوز قىزمەتى
