ءۇشىنشى دۇنيەجۇزىلىك سوعىس بىرنەشە ايماقتىق قاقتىعىستاردان تۇرۋى مۇمكىن، دەپ بولجادى ۇلىبريتانيا قورعانىس شتابىنىڭ باسشىسى نيك كارتەر Sky News باسىلىمىنا بەرگەن سۇحباتىندا.
ونىڭ ايتۋىنشا، COVID-19 كوروناۆيرۋستىق پاندەمياسىنان تۋىنداعان ەكونوميكالىق داعدارىس الەمدى جاھاندىق قاراما-قايشىلىققا جەتەلەيتىن تاعى ءبىر فاكتور بولادى.
«COVID-19-دىڭ اسەرىنەن تۋىنداعان الەمدىك ەكونوميكالىق داعدارىس جاڭا قاتەرلەردى تۋدىرىپ، ءتىپتى دۇنيەجۇزىلىك سوعىستىڭ باستالۋىنا اكەلۋى عاجاپ ەمەس. مەنىڭ ويىمشا، ءبىز وتە بەلگىسىز جانە ۇرەيلەنەتىن زاماندا ءومىر ءسۇرىپ جاتىرمىز»، - دەدى گەنەرال.
كارتەر جاھاندىق قاقتىعىستارداعى ءولىمىنىڭ قايتالانۋىنا جول بەرمەۋ كەرەكتىگىن اتاپ ءوتتى.
اسكەري ساراپشى ۆيكتور بارانەتس تە بريتاندىق قولباسشىمەن كەلىسىپ، ءۇشىنشى دۇنيەجۇزىلىك سوعىستىڭ باستالۋىنا ءدال ەكونوميكالىق فاكتورلار سەبەپكەر بولادى دەپ مالىمدەدى.
« 21-عاسىردا سوعىستاردىڭ 90% -ى ەنەرگيا كوزدەرى ءۇشىن باستالادى. بۇل «رەيتينگتىڭ» ەكىنشى ورنىندا - سۋ، ۇشىنشىسىندە - تاماق تۇر. سودان كەيىن عانا وركەنيەتتىك داۋلاردىڭ سالدارىنان تۋىنداعان قاقتىعىستار ورىن الۋى مۇمكىن »، - دەپ ءتۇسىندىردى ساراپشى.
سونداي-اق، ول بىرنەشە جەرگىلىكتى قاقتىعىستاردىڭ ۇلكەن ءبىر سوعىسقا ۇلاسۋى ىقتيمال ەكەنىن راستادى.
ال وتكەن جىلى وسمان پامۋكوگلۋ «ءۇشىنشى دۇنيەجۇزىلىك سوعىس» اتتى كىتاپ جازدى. وستاۆكاداعى تۇرىك گەنەرال-مايورى ءوز ەڭبەگىندە سوعىسقا قاتىسۋشى مەملەكەتتەر رەتىندە اقش، قىتاي جانە رەسەيدى كورسەتكەن بولاتىن.
«ادىرنا» ۇلتتىق پورتالى
