«تسيفرلىق قازاقستان» باعدارلاماسى – تسيفرلىق تەحنولوگيالاردى قولدانۋ ارقىلى حالىقتىڭ تۇرمىس دەڭگەيىن ارتتىرۋدى كوزدەيتىن ماڭىزدى باعدارلاما. ونىڭ ءبىر باعىتى – ەلەكتروندىق ساۋدا. ساۋدانىڭ بۇل ءتۇرى كومپيۋتەرلىك جەلىلەردىڭ كومەگىمەن بيزنەس ۇدەرىستەرىن جۇرگىزەدى.
ەلەكتروندى ساۋدانىڭ ارتىقشىلىعى قانداي؟
ەلەكتروندى ساۋدانىڭ ارنايى ءبىر گەوگرافيالىق شەكتەۋى جوق. ءسىز تۇرعىلىقتى جەرىڭىزگە قاراماستان ساتىپ الۋدىڭ شەكسىز مۇمكىندىگىنە يە بولا الاسىز. سونىمەن قاتار ول فيزيكالىق جاعىنان دا قولجەتىمدى بولىپ كەلەدى. ياعني ءسىز كەزەك كۇتىپ، ۋاقىتىڭىزدى زايا وتكىزبەيسىز. ەلەكتروندى ساۋدانىڭ تاعى ءبىر ارتىقشىلىعى - كەشبەك جيناۋ. تۇتىنۋشى بەلگىلى ءبىر تاۋاردى ساتىپ الۋ ارقىلى بونۋس جيناي الادى. بيزنەسمەندەر e-commerce-ءتى قولدانۋ ارقىلى جۇمىس كۇشىن ۇنەمدەۋ مۇمكىندىگىنە يە بولادى.
اقشا تولەمى مەن اۋدارىمدار قر زاڭناماسىندا بەلگىلەنگەن تارتىپپەن جۇزەگە اسادى. بۇگىندە قاشىقتان ساتىپ الۋ كەزىندە كوبىنە كرەديتتىك كارتوچكالار تولەم قۇرالى رەتىندە قولدانىلادى.
تاۋارلارمەن ەلەكروندى ساۋدا جاساۋدا جەڭىلدىكتەر قاراستىرىلعان
جەڭىلدىكتەردى قولدانۋ ءۇشىن سالىق تولەۋشىلەر تاۋارلاردى وتكىزۋ جونىندەگى مامىلەمەلەردى ەلەكتروندى نىساندا راسىمدەۋى قاجەت. سونداي-اق تاۋاردىڭ اقىسى قولما-قولسىز تولەممەن جۇزەگە اسۋى ءتيىس.
ەلەكتروندىق ساۋداداعى دەلدالدىڭ مىندەتى قانداي؟
ەلەكتروندىق ساۋداداعى دەلدال "ساۋدا قىزمەتىن رەتتەۋ تۋرالى" 2004 جىلعى 12 ساۋىردەگى قازاقستان رەسپۋبليكاسى زاڭىنىڭ 29-1-بابىنىڭ 3 جانە 4-تارماقتارىنا سايكەس:
1) ەلەكتروندىق قۇجاتتاردا نەمەسە ەلەكتروندىق حابارلامالاردا قامتىلعان اقپاراتتى، ونىڭ ىشىندە كوممەرتسيالىق جانە زاڭمەن قورعالاتىن وزگە دە قۇپيانى قۇرايتىن مالىمەتتەردى جاريا ەتپەيدى;
2) ەگەر ەلەكتروندىق ساۋدانىڭ باسقا قاتىسۋشىلارىمەن ءوزى جاساسقان شارتتا نەمەسە قازاقستان رەسپۋبليكاسىنىڭ زاڭدارىندا وزگەشە كوزدەلمەسە، ەلەكتروندىق قۇجاتتاردى (ەلەكتروندىق حابارلامالاردى) نەمەسە ولاردىڭ كوشىرمەلەرىن، ونىڭ ىشىندە ولاردا قامتىلعان اقپاراتتى ءۇشىنشى تۇلعالارعا بەرمەيدى;
3) ەگەر ەلەكتروندىق ساۋدانىڭ باسقا قاتىسۋشىلارىمەن ءوزى جاساسقان شارتتا نەمەسە قازاقستان رەسپۋبليكاسىنىڭ زاڭدارىندا وزگەشە كوزدەلمەسە، ەلەكتروندىق قۇجاتتاردىڭ (ەلەكتروندىق حابارلامالاردىڭ) مازمۇنىن نە ولاردى پايدالانۋ ءتارتىبىن وزگەرتپەيدى;
4) اقپاراتتىق رەسۋرستاردا قامتىلعان اقپاراتتىڭ، ونىڭ ىشىندە كوممەرتسيالىق جانە زاڭمەن قورعالاتىن وزگە دە قۇپيانى قۇرايتىن مالىمەتتەردىڭ تۇتاستىعى مەن قۇپيالىلىعىن قامتاماسىز ەتەدى;
5) ەگەر ساتۋشى ەلەكتروندىق ساۋدا الاڭىندا جاسالعان مامىلەلەر بويىنشا ساتىپ الۋشى ءوز مىندەتتەمەلەرىن ورىنداۋى ءۇشىن جاعداي جاسالاتىنىن ايقىنداسا، وسىنداي جاعدايلاردى قامتاماسىز ەتەدى;
6) ساتۋشىنىڭ تالابى بويىنشا ءوزىنىڭ ينتەرنەت-رەسۋرسىندا ەلەكتروندىق ساۋدا الاڭىندا جۇرگىزىلگەن ساۋدا-ساتتىق قورىتىندىلارى جونىندەگى اقپاراتتى ورنالاستىرادى.
ەلەكتروندى ساۋدا-ساتتىق كولەمى ەكى ەسە وسكەن
بيىل ءبىرىنشى جارتىجىلدىقتا ەلىمىزدە ەلەكتروندى ساۋدانىڭ بولشەك تاۋار اينالىمىنداعى كولەمى ءبىر جارىم ەسەدەن اسا وسكەن. بۇل تۋرالى پرەمەر-ءمينيستردىڭ ءباسپاسوز قىزمەتىمالىمدەدى. ۇكىمەت باسشىسى ەلەكتروندى ساۋدانىڭ پەرسپەكتيۆاسى زور ەكەنىن، ءارى ەكونوميكانىڭ ىلەسپە سەكتورلارى – لوگيستيكاعا، كونتەينەرلىك تاسىمالداۋعا، كۋرەرلىك قىزمەتتەرگە، تسيفرلىق سەرۆيستەر مەن قىزمەتتەرگە، قولما-قول اقشاسىز اينالىمعا، ەڭبەك نارىعىنا جانە تاعى باسقالارعا مۋلتيپليكاتيۆتى اسەرىن تيگىزەتىنىن اتاپ ءوتتى.
«ءبىزدىڭ الدىمىزدا ەلەكتروندى ساۋدا راسىمدەرىن جەڭىلدەتىپ، قارجىلاندىرۋعا جول اشاتىن، ينتەرنەت ارقىلى مامىلە جاساۋعا سەنىمدىلىكتى نىعايتاتىن، سونداي-اق كيبەرقىلمىستارعا قارسى ارەكەت ەتۋگە مۇمكىندىك بەرەتىن ءتيىمدى شارالاردى قالىپتاستىرۋ مىندەتى تۇر»، - دەدى ا. مامين.
ال ساۋدا جانە ينتەگراتسيا مينيسترلىگىنىڭ مالىمەتىنشە، وتكەن جىلى بۇل ساۋدا نارىعىنىڭ كولەمى 700 ملرد تەڭگەدەن اسقان. قازىرگى تاڭدا
ەلەكتروندى ساۋدانىڭ جالپى بولشەك ساۋداداعى ۇلەسى 3,7%-دى قۇرايدى.
«ادىرنا» ۇلتتىق پورتالى
