«بايقوڭىر» عارىش ايلاعىنداعى «بايتەرەك» كەشەنىندە وتكىزىلەتىن وپەراتسيالار تاعى ءبىر پىسىقتالدى. بۇل اپاتتى ايماققا اينالعان بايقوڭىردا ۇشىرۋ وپەراتسيالارى ودان ءارى كوبەيەدى دەگەندى بىلدىرمەي مە؟ قازاقستان مەن رەسەي «بايتەرەك» كەشەنى بويىنشا كەلىسىم جوباسىنا تۇزەتۋلەر ەنگىزدى. ايتا كەتەيىك، اتالمىش كەشەن بايقوڭىردا 2004 جىلى بوي كوتەرگەن بولاتىن.
ۇسىنىلعان تۇزەتۋلەرگە سايكەس، كەلىسىمشارتتىڭ 3-بابىنىڭ 9-تارماعى الىنىپ تاستالۋى جوسپارلانۋدا. تارماقتا بىرلەسكەن كاسىپورىننىڭ جارعىلىق كاپيتالى ۇلعايعان جاعدايدا، تاراپتار اكتسيالار سانىنىڭ تەڭدىگىن ساقتايتىندىعى مەن اكتسيونەرلەردىڭ ءار تاراپتان يەلەنەتىن داۋىس بەرۋشى اكتسيالارىنىڭ تەڭ سانىمەن كورسەتىلەتىندىگى جازىلعان.
قۇجاتتا بىلاي دەلىنگەن:
«كەلىسىمدى 4-2-باپپەن تولىقتىرۋ: «4-2-باپ. بىرلەسكەن كاسىپورىننىڭ (بك) بيۋدجەتتىك نەسيە بويىنشا مىندەتتەمەلەرى جاي اكتسيالاردىڭ قوسىمشا ورنالاستىرىلۋى جانە ولاردى بيۋدجەتتىك نەسيە بەرگەن قازاقستاندىق تاراپقا بەرۋ ارقىلى بك-ءنىڭ جارعىلىق كاپيتالىنا اينالادى. «روسكوسموس» عارىش قىزمەتى جونىندەگى مەملەكەتتىك كورپوراتسيا جانە/نەمەسە ونىڭ ۇيىمدارى «بايتەرەك» عارىشتىق-زىمىران كەشەنىن قۇرۋ ءۇشىن قاجەتتى مەنشىكتەگى جانە بايقوڭىر كەشەنىنىڭ وبەكتىلەرىندە ورنالاسقان مۇلىكتى قازاقستاندىق تاراپقا بەرە الادى. بەرىلگەن مۇلىكتىڭ ءتىزىمىنىن جانە ونى بەرۋ ءتارتىبىن قازاقستان-رەسەي ۇكىمەتارالىق كوميسسياسى بەكىتەدى. مۇلىكتى بەرۋ مەن قابىلداۋدى تاراپتاردىڭ قۇزىرەتتى ورگاندارى قۇرعان بىرلەسكەن كوميسسيا جۇزەگە اسىرادى. مۇلىكتى بەرۋ جانە قابىلداۋ تاراپتاردىڭ مەملەكەتتەرىنىڭ ەكسپورتتىق باقىلاۋ سالاسىنداعى زاڭناماسىنا سايكەس جۇزەگە اسىرىلادى. رەسەي جاعى بىرلەسكەن كاسىپورىنداعى ءوز ۇلەسىن قازاقستاندىق تاراپپەن تەڭەستىرۋگە قۇقىلى».
كەلىسىمنىڭ 5-بابى بويىنشا تاراپتار (قازاقستان مەن رەسەي) 2023 جىلى «بايتەرەك» عارىشتىق زىمىران كەشەنىندە ۇشۋ سىناقتارىن باستايدى. تاراپتار بىرلەسىپ «سويۋز-5» زىمىران تاسىعىشىمەن وربيتاعا عارىش اپپاراتتارىن جىلىنا كەمىندە ەكى رەت ۇشىرۋدى جوسپارلاپ وتىر.
رەسەي تاراپى:
- «بايتەرەك» عارىشتىق زىمىران كەشەنىنەن «سويۋز-5» اۋە كەمەسىنىڭ 2025 جىلعا دەيىن كەم دەگەندە ءۇش سىناق وتكىزۋدى;
- 2025 دەيىنگى جىلدان 2036 جىلعا دەيىنگى ارالىقتا تاپسىرىستاردى «بايتەرەك» عارىشتىق زىمىران كەشەنىنەن «سويۋز-5» زىمىران تاسىعىشىنىڭ وربيتالارىنا شىعارۋعا جانە ونىڭ مۇمكىن بولاتىن موديفيكاتسياسىن جىلىنا كەمىندە ەكى ۇشىرۋدى قامتاماسىز ەتەدى.
ال قازاقستاندىق تاراپ ءوز كەزەگىندە «بايتەرەك» عارىشتىق زىمىران كەشەنىنەن سويۋز-5 وربيتالارىنا عارىش اپپاراتتارىن ۇشىرۋعا جانە قازاقستان رەسپۋبليكاسىنىڭ مەملەكەتتىك جوبالارىن ىسكە اسىرۋ شەڭبەرىندە 2025-2036 جىلدار ارالىعىندا ونىڭ مۇمكىن بولاتىن موديفيكاتسياسىنا تاپسىرىس ورنالاستىرۋدى قامتاماسىز ەتەدى.
5-باپ بۇيدەيدى: «تاراپتار 2022 جىلى «بايتەرەك» عارىشتىق زىمىران كەشەنىنىڭ ورتا كلاستى زىمىران تاسىعىشىمەن ۇشۋ سىناقتارىنىڭ باستالۋىن قامتاماسىز ەتەدى».
بۇعان دەيىن قازاقستان سەناتىنىڭ دەپۋتاتتارى «بايقوڭىر» عارىش ايلاعىندا «بايتەرەك» عارىشتىق زىمىران كەشەنىن قۇرۋ تۋرالى زاڭ قابىلداپ، «بايتەرەكتىڭ» ورتا كلاستى زىمىران تاسىعىشىمەن ۇشۋ سىناقتارىن باستاۋدى 2022 جىلعا جوسپارلاعان بولاتىن.
حاتتاماعا سايكەس، قازاقستاندىق تاراپ «بايتەرەك» كەشەنى قۇرىلۋى كەرەك بولعان «زەنيت-م» عارىشتىق زىمىران كەشەنىنىڭ جەردەگى عارىش ينفراقۇرىلىمى وبەكتىلەرىن كۇتىپ-ۇستاۋ مەن پايدالانۋدى قارجىلاندىرۋعا مىندەتتى ەدى. قازاقستان «زەنيت-م»-ءنىڭ مودەرنيزاتسياسىنا شامامەن 2020 جىلدان باستاپ $233 ملن جۇمساۋدى جوسپارلاپ وتىر. رەسەيلىك تاراپ «سويۋز-5» زىمىران تاسىعىشىنىڭ وندىرىسىنە شامامەن 916 ميلليون دوللار بولمەكشى.
2020 جىلدىڭ تامىزىندا بايقوڭىرداعى «بايتەرەك» كەشەنىنىڭ ۇشۋ سىناقتارى 2023 جىلعا جوسپارلانىپ وتىرعانى بەلگىلى بولدى. ەكولوگيالىق تازا زىمىران تاسىعىشتار عانا ۇشىرىلادى دەگەن بۇل كەشەننىڭ ناتيجەلى جۇمىسىن الداعى ۋاقىتتا كورەتىن بولامىز.
اياۋلىم ءابىلدا،
«ادىرنا» ۇلتتى پورتالى
