Baıqońyrdaǵy «Báıterek»

2085
Adyrna.kz Telegram

 «Baıqońyr» ǵarysh aılaǵyndaǵy «Báıterek» kesheninde ótkiziletin operaııalar taǵy bir pysyqtaldy. Bul apatty aımaqqa aınalǵan Baıqońyrda ushyrý operaııalary odan ári kóbeıedi degendi bildirmeı me? Qazaqstan men Reseı «Báıterek» kesheni boıynsha kelisim jobasyna túzetýler engizdi. Aıta keteıik, atalmysh keshen Baıqońyrda 2004 jyly boı kótergen bolatyn.

Usynylǵan túzetýlerge sáıkes, kelisimsharttyń 3-babynyń 9-tarmaǵy alynyp tastalýy josparlanýda. Tarmaqta birlesken kásiporynnyń jarǵylyq kapıtaly ulǵaıǵan jaǵdaıda, taraptar akııalar sanynyń teńdigin saqtaıtyndyǵy men akıonerlerdiń ár taraptan ıelenetin daýys berýshi akııalarynyń teń sanymen kórsetiletindigi jazylǵan.

Qujatta bylaı delingen:

«Kelisimdi 4-2-bappen tolyqtyrý: «4-2-bap. Birlesken kásiporynnyń (BK) bıýdjettik nesıe boıynsha mindettemeleri jaı akııalardyń qosymsha ornalastyrylýy jáne olardy bıýdjettik nesıe bergen qazaqstandyq tarapqa berý arqyly BK-niń jarǵylyq kapıtalyna aınalady. «Roskosmos» ǵarysh qyzmeti jónindegi memlekettik korporaııa jáne/nemese onyń uıymdary «Báıterek» ǵaryshtyq-zymyran keshenin qurý úshin qajetti menshiktegi jáne Baıqońyr kesheniniń obektilerinde ornalasqan múlikti qazaqstandyq tarapqa bere alady. Berilgen múliktiń tiziminin jáne ony berý tártibin Qazaqstan-Reseı úkimetaralyq komıssııasy bekitedi. Múlikti berý men qabyldaýdy taraptardyń quzyretti organdary qurǵan birlesken komıssııa júzege asyrady. Múlikti berý jáne qabyldaý taraptardyń memleketteriniń eksporttyq baqylaý salasyndaǵy zańnamasyna sáıkes júzege asyrylady. Reseı jaǵy birlesken kásiporyndaǵy óz úlesin qazaqstandyq tarappen teńestirýge quqyly».

Kelisimniń 5-baby boıynsha  taraptar (Qazaqstan men Reseı) 2023 jyly «Báıterek» ǵaryshtyq zymyran kesheninde ushý synaqtaryn bastaıdy. Taraptar birlesip «Soıýz-5» zymyran tasyǵyshymen orbıtaǵa ǵarysh apparattaryn jylyna keminde eki ret ushyrýdy josparlap otyr.

Reseı tarapy:

  • «Báıterek» ǵaryshtyq zymyran kesheninen «Soıýz-5» áýe kemesiniń 2025 jylǵa deıin kem degende úsh synaq ótkizýdi;
  • 2025 deıingi jyldan 2036 jylǵa deıingi aralyqta tapsyrystardy «Báıterek» ǵaryshtyq zymyran kesheninen «Soıýz-5» zymyran tasyǵyshynyń orbıtalaryna shyǵarýǵa jáne onyń múmkin bolatyn modıfıkaııasyn jylyna keminde eki ushyrýdy qamtamasyz etedi.

Al Qazaqstandyq tarap óz kezeginde «Báıterek» ǵaryshtyq zymyran kesheninen Soıýz-5 orbıtalaryna ǵarysh apparattaryn ushyrýǵa jáne Qazaqstan Respýblıkasynyń memlekettik jobalaryn iske asyrý sheńberinde 2025-2036 jyldar aralyǵynda onyń múmkin bolatyn modıfıkaııasyna tapsyrys ornalastyrýdy qamtamasyz etedi.

5-bap búıdeıdi: «Taraptar 2022 jyly «Báıterek» ǵaryshtyq zymyran kesheniniń orta klasty zymyran tasyǵyshymen ushý synaqtarynyń bastalýyn qamtamasyz etedi».

Buǵan deıin Qazaqstan Senatynyń depýtattary «Baıqońyr» ǵarysh aılaǵynda «Báıterek» ǵaryshtyq zymyran keshenin qurý týraly zań qabyldap, «Báıterektiń» orta klasty zymyran tasyǵyshymen ushý synaqtaryn bastaýdy 2022 jylǵa josparlaǵan bolatyn.

Hattamaǵa sáıkes, qazaqstandyq tarap «Báıterek» kesheni qurylýy kerek bolǵan «Zenıt-M» ǵaryshtyq zymyran kesheniniń jerdegi ǵarysh ınfraqurylymy obektilerin kútip-ustaý men paıdalanýdy qarjylandyrýǵa mindetti edi. Qazaqstan «Zenıt-M»-niń modernızaııasyna shamamen 2020 jyldan bastap $233 mln jumsaýdy josparlap otyr. Reseılik tarap «Soıýz-5» zymyran tasyǵyshynyń óndirisine shamamen 916 mıllıon dollar bólmekshi.

2020 jyldyń tamyzynda Baıqońyrdaǵy «Báıterek» kesheniniń ushý synaqtary 2023 jylǵa josparlanyp otyrǵany belgili boldy. Ekologııalyq taza zymyran tasyǵyshtar ǵana ushyrylady degen bul keshenniń nátıjeli jumysyn aldaǵy ýaqytta kóretin bolamyz.

 

Aıaýlym ÁBILDA,

«Adyrna» ultty portaly

Pikirler