ەسىرتكى تۋرالى وي قوزعاعاندا ەسىڭدى ەكەۋ، ءتۇسىڭدى تورتەۋ قىلاتىن مالىمەتتەر جوق ەمەس. ارا-تۇرا اپيىن ىزدەپ، ابىگەر بولاتىندار، ەسىرتكى تاۋسىلسا، ەسى اۋىسىپ كەتەتىن ناشاقورلار كۇن سايىن كوبەيىپ جاتقانى وكىنىشتى-اق. بۇل-ەسىرتكى ەل دە تاڭدامايدى، ادام دا تالعامايدى ەكەن. دەرتكە اينالعان تاجالدىڭ توسىننان توسىرقاتىپ تاستايتىنى سونشالىق قىلمىسكەرلەر سانىنىڭ ورشۋىنە سەبەپ بولىپ وتىر. بۇل ىندەتتى قانىمىزعا سىڭگەن دەرت دەۋگە بولمايدى. شەت مەملەكەتتەردەن تاسىمالدانعان ناشاعا رۋحى ءالسىز ادامدار عانا دۋشار بولادى. سوندىقتان جاسامپاز ەلدىڭ العا ورلەۋىنە ۇلەسىمىزدى بۇگىنەن قوسقانىمىز ابزال. ەسىرتكىمەن اينالىسپايتىن ادامداردىڭ ءومىرى، قوعامعا دەگەن كوزقاراسى، قورشاعان ورتاداعى تۇسىنىگىنىڭ قالىپتاسۋى ەرەك بولادى. جاھاندانۋ زامانىندا جاڭا تەحنيكانى يگەرۋگە، ارمان-ماقساتتارىن جۇزەگە اسىرۋعا ۇمتىلادى. ءوز ءومىرىن وسى قاعيدالار ارقىلى تۇرلەندىرەدى. ال ءالسىز ادامدار ءسال قيىندىققا ۇشىراسا، ەسىرتكىنى ويىنا الىپ ونى شەگۋ ارقىلى عاجاپ الەمگە تاپ بولعىسى كەلەدى. ناشانى پايدالانعاندار دەگبىرى قاشىپ، دەل-سال كۇيگە ەنسە دە ەسىرتكىمەن وتكەن ءومىرىنىڭ ءبارى عاجاپ دەپ ويلايدى. مىنە، سوندىقتان دا جاستاردىڭ ەسىرتكىگە تاۋەلدىلىگى وزەكتى ماسەلەنىڭ ءبىرى. ەسىرتكىنىڭ الدىن الۋ ءۇشىن بالاعا اتا-انانىڭ ءرولى زور. ەسىرتكىسىز دە ءومىردىڭ ءمان-ماعىناسى، ارمانى ايقىن ورىندالۋىنا كوز جەتكىزۋ قاجەت. بۇنداي تۇيتكىلدى ماسەلەلەردىڭ ءمان-ءجايىن انىقتاپ، بەي-ءجاي قالدىرماي قارەكەت قىلعان ابزال. مەن ەرتەڭىمدى ەسىرتكىسىز جاڭا زامان تالابىنا ساي، دامىعان وتىز ەلدىڭ قاتارىنان كورەمىن.
تاۋەلسىز قازاقستاندا ەسىرتكىگە تاۋەلدىلىك بەلەڭ العان كەزەڭ. ادام ءومىرىنىڭ ولشەۋلى كەزەڭدەرىن قىسقارتاتىن بىردەن-ءبىر سەبەپ–ەسىرتكى.ەسىرتكىنىڭ ەرتەڭى بۇلىڭعىر ەكەنىن بىلە وتىرا قيلى-قيلى تاعدىرلارعا ۇشىراسىپ جاتامىز. ادام–قوعامنىڭ ايناسى ىسپەتتى. قوعامدا قالاي ارەكەت ەتسەڭ، ءىسىڭ سولاي جۇزەگە اسادى. XXI عاسىر جاھاندانۋ زامانىندا جاڭاشىلدىقتىڭ جارسىشى بولۋ – بىزگە مىندەت. سوندىقتان، ەسىركىسىز دە ءومىرىڭدى عاجاپ ەتۋىڭە بولاتىنىن جاسوسپىرىمدەرگە كەڭىنەن ناسحاتتاۋعا ءتيىسپىز. اينالامداعى دوستارىما:ەسىرتكىسىز ءومىرىڭدى ەلەستەتە الاسىڭ با دەگەنىمدە، قوعامداعى كەرى پروبلەمالاردىڭ ءبارى ەسىرتكىدەن بولاتىنىن ايتتى. جاستار اراسىنداعى اسقىنعان دەرتتىڭ الدىن الۋ ءۇشىن جاستارعا جاڭاشىل باعىتتاعى تۇسىندىرمە جۇمىستارىن جۇرگىزىپ تۇرۋدى ۇسىنار ەدىم.ەسىرتكىسىز دە ەرتەڭىمىزدى عاجايىپ ساتتەرگە تولى ەتىپ وتكىزۋگە بولاتىنىن جاستارىمىزعا دالەلدەيىك!
№67 ورتا مەكتەبىنىڭ وقۋشىسى اقتىلەك زايىپ،
قىزىلوردا وبلىسى، ارال اۋدانى، قوسجار اۋىلى
#وپد ەققIقببايقاۋىنا
#ناكونكۋرسۋپددپكزو
