Esirtki týraly oı qozǵaǵanda esińdi ekeý, túsińdi tórteý qylatyn málimetter joq emes. Ara-tura apıyn izdep, ábiger bolatyndar, esirtki taýsylsa, esi aýysyp ketetin nashaqorlar kún saıyn kóbeıip jatqany ókinishti-aq. Bul-esirtki el de tańdamaıdy, adam da talǵamaıdy eken. Dertke aınalǵan tajaldyń tosynnan tosyrqatyp tastaıtyny sonshalyq qylmyskerler sanynyń órshýine sebep bolyp otyr. Bul indetti qanymyzǵa sińgen dert deýge bolmaıdy. Shet memleketterden tasymaldanǵan nashaǵa rýhy álsiz adamdar ǵana dýshar bolady. Sondyqtan jasampaz eldiń alǵa órleýine úlesimizdi búginen qosqanymyz abzal. Esirtkimen aınalyspaıtyn adamdardyń ómiri, qoǵamǵa degen kózqarasy, qorshaǵan ortadaǵy túsiniginiń qalyptasýy erek bolady. Jahandaný zamanynda jańa tehnıkany ıgerýge, arman-maqsattaryn júzege asyrýǵa umtylady. Óz ómirin osy qaǵıdalar arqyly túrlendiredi. Al álsiz adamdar sál qıyndyqqa ushyrasa, esirtkini oıyna alyp ony shegý arqyly ǵajap álemge tap bolǵysy keledi. Nashany paıdalanǵandar degbiri qashyp, del-sal kúıge ense de esirtkimen ótken ómiriniń bári ǵajap dep oılaıdy. Mine, sondyqtan da jastardyń esirtkige táýeldiligi ózekti máseleniń biri. Esirtkiniń aldyn alý úshin balaǵa ata-ananyń róli zor. Esirtkisiz de ómirdiń mán-maǵynasy, armany aıqyn oryndalýyna kóz jetkizý qajet. Bundaı túıtkildi máselelerdiń mán-jáıin anyqtap, beı-jáı qaldyrmaı qareket qylǵan abzal. Men erteńimdi esirtkisiz jańa zaman talabyna saı, damyǵan otyz eldiń qatarynan kóremin.
Táýelsiz Qazaqstanda esirtkige táýeldilik beleń alǵan kezeń. Adam ómiriniń ólsheýli kezeńderin qysqartatyn birden-bir sebep–esirtki.Esirtkiniń erteńi bulyńǵyr ekenin bile otyra qıly-qıly taǵdyrlarǵa ushyrasyp jatamyz. Adam–qoǵamnyń aınasy ispetti. Qoǵamda qalaı áreket etseń, isiń solaı júzege asady. XXI ǵasyr jahandaný zamanynda jańashyldyqtyń jarsyshy bolý – bizge mindet. Sondyqtan, esirkisiz de ómirińdi ǵajap etýińe bolatynyn jasóspirimderge keńinen nashattaýǵa tıispiz. Aınalamdaǵy dostaryma:esirtkisiz ómirińdi elestete alasyń ba degenimde, qoǵamdaǵy keri problemalardyń bári esirtkiden bolatynyn aıtty. Jastar arasyndaǵy asqynǵan derttiń aldyn alý úshin jastarǵa jańashyl baǵyttaǵy túsindirme jumystaryn júrgizip turýdy usynar edim.Esirtkisiz de erteńimizdi ǵajaıyp sátterge toly etip ótkizýge bolatynyn jastarymyzǵa dáleldeıik!
№67 orta mektebiniń oqýshysy Aqtilek ZAIYP,
Qyzylorda oblysy, Aral aýdany, Qosjar aýyly
#OPD EQQIQBbaıqaýyna
#nakonkýrsÝPDDPKZO
