بيىل اباي اۋدانىنىڭ ينفراقۇرىلىمىنا جانە كاسىپكەرلىك باعىتىن دامىتۋعا 29,3 ملرد تەڭگە كولەمىندە ينۆەستيتسيا تارتىلىپ وتىر.
بۇل تۋرالى شىمكەنت قالاسىنىڭ قالا اكىمى مۇرات ايتەنوۆكە 9 ايدا اتقارىلعان جۇمىستار جونىندە ەسەپ بەرگەن اباي اۋدانىنىڭ اكىمى بۇحارباي پارمانوۆ باياندادى.
اۋدان اكىمىنىڭ ايتۋىنشا، بيۋدجەتتىك قارجىنىڭ كولەمى – 25,2 ملرد تەڭگەنى قۇراسا، جەكە ينۆەستيتسيا كولەمى – 4,1 ملرد تەڭگەنى قۇراعان. 2021 جىلى 12 ملرد تەڭگەگە جەكە ينۆەستيتسيا تارتۋ جوسپارلانۋدا.
سونداي-اق، اۋداندا 17 مىڭنان اسا سالىق تولەۋشى بار ەكەنىن مالىمدەدى. بۇل جىلى ولاردان كەلىپ تۇسەتىن تۇسىمدەردىڭ ءوسۋ قارقىنى بايقالادى. وتكەن جىلدىڭ 9 ايىمەن سالىستىرعاندا 133 % قۇراپ، 3,2 ملرد تەڭگەگە ارتىعىمەن ورىندالعان.
ايتا كەتۋ كەرەك، شىمكەنت قالاسىنىڭ جاڭا ستاتۋسقا يە بولۋىنا بايلانىستى جەكە تۇلعالاردىڭ مۇلىك، جەر سالىقتارى ەسەبىنەن تۇسىمدەردىڭ ءوسۋ قارقىنى 235% قۇراپ،138 ملن تەڭگەگە ارتقان.
شىمكەنت قالاسى اكىمىنىڭ ءباسپاسوز قىزمەتى
