شىمكەنتتە تۇرعىنداردى ءدارى-دارمەكپەن جانە مەديتسينالىق بۇيىمدارمەن قامتاماسىز ەتۋ ماسەلەسى شەشىمىن تاپتى. بۇگىن شىمكەنت قالاسىنىڭ اكىمى مۇرات ايتەنوۆ ونلاين فورماتتا وتكەن ۇكىمەت وتىرىسىندا ءدارى-دارمەكتەر جانە مەديتسينالىق بۇيىمدارمەن قامتاماسىز ەتۋ بويىنشا اتقارىلعان جۇمىستاردان حاباردار ەتتى.
بۇگىندە جالپى سوماسى 7,21 ملرد. تەڭگەنى قۇرايتىن ءدارى-دارمەكتەر مەن مەديتسينالىق بۇيىمداردى جەتكىزۋگە كەلىسىمشارتتار جاسالعان. بىرىڭعاي ديستريبيۋتورمەن 6,2 ملرد. تەڭگە كولەمىندە ءدارى-دارمەكتەر جانە مەديتسينالىق ماقساتتاعى بۇيىمدار جەتكىزىلدى.
بۇگىنگى تاڭدا مەديتسينالىق ۇيىمداردا COVID-19 ىندەتىنە قارسى ەكى ايلىق دارىلىك زاتتار جانە مەديتسينالىق بۇيىمدار قورى قالىپتاستى. اتاپ ايتقاندا، 2,1 ملرد. تەڭگەگە دارىلىك زاتتار; 90 645 جەكە قورعانۋ قۇرالدارى جيىنتىعى; 3 219 121 دانا مەديتسينالىق بەتپەردە جانە 864 499 دانا مەديتسينالىق قولعاپ الىندى.
قالاداعى ءدارىحانالار، ءدارى-دارمەكتەر قورى مەن بولشەك ساۋدا باعالارىنا سايكەستىگىنە قاراي مونيتورينگ جۇمىستارى جۇرگىزىلۋدە. قازىرگى تاڭدا قالا ءدارىحانالارىندا 1,7 ملرد.تەڭگە كولەمىندە COVID-19 ىندەتىن ەمدەۋگە ارنالعان ءدارى-دارمەك قورى بار. ودان بولەك، 6,3 ملن. مەديتسينالىق بەتپەردە قورى قۇرىلعان. قالادا ورنالاسقان 2 ءوندىرۋشىنىڭ وندىرىستىك قۋاتى تاۋلىگىنە – 200 000 بەتپەردە.
ماتەريالدىق-تەحنيكالىق جابدىقتاۋ بويىنشا قالاعا قوسىمشا 282 يۆل الىنىپ، يۆل سانى 612 بىرلىككە جەتتى (156 – دم، 126 – جب، 20 – دەمەۋشىلەر). جاڭادان 121 جەدەل جاردەم اۆتوكولىگى جەتكىزىلدى.
قورىتا ايتساق، قالادا مەديتسينا مەكەمەلەرى ءدارى-دارمەك قۇرالدارىمەن جانە مەديتسينالىق بۇيىمدارمەن تولىق قامتاماسىز ەتىلدى.
سونىمەن قاتار، قالا تۇرعىندارىنا Covid19shymkent.kz سايتى ىسكە قوسىلدى. وندا ءار تۇرعىن قالا ءدارىحانالارىندا ءدارى-دارمەكتەردىڭ قول جەتىمدىلىگى تۋرالى اقپارات الۋ مۇمكىندىگى بار.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
