شىمكەنت قالاسىندا اۋىل شارۋاشىلىعى سالاسىنا مەملەكەتتىك قولداۋ كورسەتۋ ماقساتىندا بيىل 3 ملرد 491 ملن تەڭگە سۋبسيديا بولىنگەن. بۇگىنگى تاڭدا جوسپارعا سايكەس 9 اي كولەمىندە 1 ميلليارد تەڭگەدەن استام قارجى تولىعىمەن يگەرىلدى.
شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسى ماماندارىنىڭ ايتۋىنشا، ەگىن شارۋاشىلىعىنا - 89,8 ملن تەڭگە، مال شارۋاشىلىعىنا - 230,4 ملن تەڭگە، قايتا وڭدەۋ سالاسىنا – 274,2 ملن تەڭگە، ينۆەستيتسيالىق سۋبسيديا باعىتىنا – 648,4 ملن تەڭگە، اۋىل شارۋاشىلىعى مالىن، تەحنيكا جانە تەحنولوگيالىق جابدىقتى ساتىپ الۋعا كرەديت بەرۋ، سونداي-اق ليزينگ كەزىندە سىياقى مولشەرلەمەسىن سۋبسيديالاۋعا – 67 ملن تەڭگە سۋبسيديا بەرىلگەن.
ناتيجەسىندە وسى جىلدىڭ قاڭتار-قىركۇيەك ايلارىندا اۋىل شارۋاشىلىعىنىڭ جالپى ءونىم كولەمى 27 ملرد تەڭگەگە جەتتى. بۇل كورسەتكىش وتكەن جىلدىڭ ءتيىستى كەزەڭىمەن سالىستىرعاندا 2,6 ملرد تەڭگەگە ارتقان.
سونىمەن قاتار بولشەك ساۋدا كولەمى 284,8 ملرد. تەڭگەنى قۇراپ، ساۋدا كولەمىنىڭ يندەكسى 102,7% قۇرادى.
! تاقىرىپقا قاتىستى ساۋالدارىڭىز بولسا، اۋىل شارۋاشىلىعى جانە ۆەتەريناريا باسقارماسىنا 8(7252) 24-75-40 نومىرىنە حابارلاسا الاسىزدار.
شىمكەنت قالاسى اكىمىنىڭ ءباسپاسوز قىزمەتى
