شىمكەنت قالاسىندا 9 قوسىمشا ءبىلىم بەرۋ مەكەمەسى بار. وندا 20 061 وقۋشى ءتۇرلى ۇيىرمەلەر مەن سەكتسيالارعا قاتىسادى.
بۇل جونىندە قالالىق ءبىلىم باسقارماسىنىڭ باسشىسى جانات تاجيەۆا اقپاراتتىق-كوممۋنيكالىق ورتالىقتا وتكەن بريفينگ بارىسىندا باياندادى.
سونىمەن قاتار، باس ۇستازدىڭ ايتۋىنشا قالاداعى سپورت مەكتەپتەرىندە 15 650 بالا ءتۇرلى قوسىمشا سپورت ۇيىرمەلەرىنە بارادى ەكەن. ودان وزگە، 147 جالپى ءبىلىم بەرەتىن جانە مامانداندىرىلعان مەكتەپتەردە ءتۇرلى ۇيىرمەلەر اشىلىپ، وعان 62 071 وقۋشى تارتىلعان.
مەملەكەتتىك ورتا ءبىلىم بەرۋ ۇيىمدارىنداعى جالپى 214 506 وقۋشىنىڭ 97 752-ءسى (45,6% )قوسىمشا بىلىممەن قامتىلعان.
وسى جىلى قوسىمشا ءبىلىم بەرۋ مەكەمەلەرىنىڭ ۇلەسىن ارتتىرۋ جانە ماتەريالدىق-تەحنيكالىق بازاسىن نىعايتۋ ماقساتىندا «بالالار ەستەتيكالىق ساز مەكتەبىنىڭ» عيماراتى كۇردەلى جوندەۋدەن وتكىزىلدى. ال، اكىمشىلىك-ىسكەرلىك ورتالىعىندا مەملەكەتتىك جەكەشەلىك ارىپتەستىك اياسىندا سالىنىپ جاتقان 150 ورىندىق ونەر مەكتەبى جىل سوڭىنا دەيىن اياقتالادى.
سونداي-اق، بەكەت باتىر كوشەسىندەگى ونەر مەكتەبىنىڭ قۇرىلىسى جۇرگىزىلۋدە. 150 ورىنعا لايىقتالعان ونەر ورداسى جىل سوڭىندا پايدالانۋعا بەرىلەدى.
شىمكەنت قالاسى اكىمىنىڭ ءباسپاسوز قىزمەتى
