جوعارى رادانىڭ بۇرىنعى دەپۋتاتى، مايدان الاڭىندا پەتر پوروشەنكونىڭ جاقتاسى بولعان، بىرنەشە رەت ەلدە مينيستر لاۋازىمىن اتقارعان داۆيد جۆانيا ەگەر بايدەن پرەزيدەنت بولسا، پەتر پوروشەنكونىڭ جاقتاستارى قايتادان كۇش الۋى ىقتيمال ەكەندىگىن ايتتى.
–جاسىرىپ قايتەمىز، قازىرگى ۋاقىتتا ۋكراينادا استىرتىن جاعدايدا مەملەكەتتىك توڭكەرىس بولايىن دەپ جاتىر. بۇرىنعى پرەزيدەنت، ياعني پەتر پوروشەنكونىڭ جاقتاستارى توڭكەرىس ماسەلەسىنە جاز ايىنان بەرى دايىندالۋدا.تەك ۋاقىتتى كۇتىپ وتىر. بۇل بۇرىن بوس اڭگىمە رەتىندە كورىنەتىن. جەرگىلىكتى سايلاۋدىڭ كەيىن بۇل بولجام ايقىندالا ءتۇستى. قازىردىڭ وزىندە ىسكە اساتىن ناقتى جوسپار ازىرلەنىپ قويدى. بۇل اڭگىمەنى بەكەر ايتىپ وتىرعان جوقپىن. مەن بۇرىنعى جاقتاستارىممەن ءالى كۇنگە دەيىن تىعىز بايلانىستامىن. جاقىندا ەكس- پرەزيدەنت پەتر پوروشەنكو مەن ونىڭ جاقتاستارىنان وسى اقپاراتتى الدىم، –دەدى بۇرىنعى توتەنشە جاعداي ءمينيسترى، ۋكراينا جوعارى راداسىنىڭ بىرنەشە شاقىرىلىمىنىڭ دەپۋتاتى بولعان داۆيد جۆانيا.
ال بۇل اقپارات قانشالىقتى شىندىققا سايكەس، ول ءالى بەلگىسىز. بىراق داۆيد جۆانيانىڭ ايتۋىنشا، پەتر پوروشەنكونىڭ جاقتاستارى الداعى ۋاقىتتا كيەۆتىڭ مەرى ۆيتالي كليچكونىڭ كانديداتۋراسىن پرەزيدەنتتىككە ۇسىنباق نيەتتە ەكەن.
"ادىرنا" ۇلتتىق پورتالى
