Joǵary Radanyń burynǵy depýtaty, Maıdan alańynda Petr Poroshenkonyń jaqtasy bolǵan, birneshe ret elde mınıstr laýazymyn atqarǵan Davıd Jvanııa eger Baıden prezıdent bolsa, Petr Poroshenkonyń jaqtastary qaıtadan kúsh alýy yqtımal ekendigin aıtty.
–Jasyryp qaıtemiz, qazirgi ýaqytta Ýkraınada astyrtyn jaǵdaıda memlekettik tóńkeris bolaıyn dep jatyr. Burynǵy prezıdent, ıaǵnı Petr Poroshenkonyń jaqtastary tóńkeris máselesine jaz aıynan beri daıyndalýda.Tek ýaqytty kútip otyr. Bul buryn bos áńgime retinde kórinetin. Jergilikti saılaýdyń keıin bul boljam aıqyndala tústi. Qazirdiń ózinde iske asatyn naqty jospar ázirlenip qoıdy. Bul áńgimeni beker aıtyp otyrǵan joqpyn. Men burynǵy jaqtastarymmen áli kúnge deıin tyǵyz baılanystamyn. Jaqynda eks- prezıdent Petr Poroshenko men onyń jaqtastarynan osy aqparatty aldym, –dedi burynǵy Tótenshe jaǵdaı mınıstri, Ýkraına Joǵary Radasynyń birneshe shaqyrylymynyń depýtaty bolǵan Davıd Jvanııa.
Al bul aqparat qanshalyqty shyndyqqa sáıkes, ol áli belgisiz. Biraq Davıd Jvanııanyń aıtýynsha, Petr Poroshenkonyń jaqtastary aldaǵy ýaqytta Kıevtiń meri Vıtalıı Klıchkonyń kandıdatýrasyn prezıdenttikke usynbaq nıette eken.
"Adyrna" ulttyq portaly
