بۇگىن اقپاراتتىق-كوممۋنيكاتسيالىق ورتالىعىندا «ساق» كينوستۋدياسى مەن «شىمكەنت-تسيرك» مەملەكەتتىك كوممۋنالدىق قازىنالىق كاسىپورنى بىرلەسىپ تۇسىرەتىن «مانەج» سەريالىنىڭ العاشقى كورسەتىلىمى بويىنشا بريفينگ ءوتتى.
ءباسپاسوز ماجىلىسىندە «شىمكەنت-تسيرك» مكقك-ءنىڭ ديرەكتورى ارمان اليەۆ سەريالدىڭ ماقساتىن جەتكىزدى.
– سەريالدى تۇسىرۋدەگى نەگىزگى ماقسات – تسيرك ونەرىن ناسيحاتتاپ، ونىڭ قانشالىقتى كۇردەلى سالا ەكەنىن كورسەتۋ. فيلمدە ارتىستەردىڭ توككەن تەرى، عاجايىپتار قۇپياسى جانە ەرەكشە باعدارلامالارى كورسەتىلەدى. وسى رەتتە كورەرمەن رەسپۋبليكاداعى ءۇشىنشى كاسىبي تسيركتىڭ قۇرىلۋىن، قالىپتاسۋىن، سونداي-اق جاستاردى تسيرككە باۋلۋدى جانە اڭدارمەن جۇمىس جاساۋ ونەرى سەكىلدى قىزىقتى وقيعالاردى تاماشالايدى. بۇل سەريال – ەلىمىزدەگى العاشقى جوبا، ياعني، مۇنى شىمكەنتتىڭ برەندى رەتىندە قابىلداۋعا بولادى، – دەدى ارمان ماحمۇتۇلى.
يدەيا اۆتورى شىمكەنت قالاسى «ساق» كينوستۋدياسىنىڭ رەجيسسەرى باتىرحان داۋرەنبەكوۆتىڭ ايتۋىنشا، باستاپقىدا 25 مينۋتتان تۇراتىن 10 ءبولىمى تۇسىرىلمەك. ەگەر سەريال كورەرمەندەردى قىزىقتىرىپ جاتسا، جالعاستىرىلادى. ال «ساق» كينوستۋدياسىنىڭ ديرەكتورى نۋريددين پاتتەەۆتىڭ سوزىنشە، اتالعان فيلم كينوستۋديانىڭ ءوز قارجىسىنا تۇسىرىلۋدە. وسى جىلدىڭ سوڭىنا دەيىن ەكى سەرياسىن جارىققا شىعارۋ جوسپارلانىپ وتىر.
ايتا كەتەيىك، قوس شىعارماشىلىق ۇجىم بىرلەسە وتىرىپ، تسيركتىڭ كۇندەلىكتى تىنىس-تىرشىلىگىن كورسەتەتىن تانىمدىق بۇل كوركەم فيلم قازاق مەملەكەتتىك تسيركىنىڭ 50 جىلدىعىنا ارنالادى. مۇنداعى سيۋجەتتەر «شىمكەنت-تسيركتە» جانە قالانىڭ كورىكتى جەرلەرىندە تۇسىرىلەدى.
شىمكەنت اقپاراتتىق-كوممۋنيكاتسيالىق ورتالىعى
فوتو – سەرىك قوساي
