شىمكەنتتە العاش رەت جۇرەك تۇسىندا احاۋى بار ناۋقاسقا ستەنت-گرافت ورناتۋ وتاسى جاسالدى. كۇردەلى وپەراتسيانى نۇر-سۇلتان قالاسىنان كەلگەن ۇلتتىق عىلىمي كارديوحيرۋرگيالىق ورتالىعىنىڭ دارىگەرلەرى اريپوۆ مارات پەن زەمليانسكي ۆيكتور جاسادى. بۇل تۋرالى قالالىق دەنساۋلىق ساقتاۋ باسقارماسى حابارلادى.
بىلىكتى ماماندار وپەراتسيا كەزىندە قولقا انەۆريزماسى جانە كەۋدە انەۆريزماسى بار ەكى ناۋقاسقا حيرۋرگيالىق جولمەن ستەنت-گرافت ورناتىپ بەردى. قولقانىڭ ساڭىلاۋىن قالىپقا كەلتىرەتىن تۇتىكشە مەديتسينادا ستەنت-گرافت دەپ اتالادى.
مۇنداي اۋرۋ جۇرەك قان تامىرلارىنىڭ اسقىنۋىنان پايدا بولادى. جۇرەك تۇسىنداعى تامىرلاردا پايدا بولعان احاۋدى ەمدەۋ ءۇشىن دارىگەرلەر ناۋقاستاردى نۇر-سۇلتان قالاسىنا ارنايى جولدامامەن جىبەرەتىن. ەندى بۇگىنگى تاجىريبە الماسۋ وتاسى ناتيجەسىندە ولار بىلىكتى مامانداردان ستەند-گرافت ورناتۋ وپەراتسياسىن مەڭگەردى. جەرگىلىكتى ماماندار مۇنداي وتانى ەندى ءوز بەتىنشە اتقارا الاتىنىن ايتادى.
دارىگەرلەردىڭ ايتۋىنشا، ستەنت-گرافت ورناتۋ - اورتا انەۆريزماسىمەن اۋىراتىن ناۋقاستى ەمدەۋدىڭ ەڭ جۇمساق ءادىسى. ناۋقاس الدىن الۋ ءۇشىن ۇزاق ۋاقىت بويى دارىگەردىڭ كومەگىنە جۇگىنبەيدى.
ايتا كەتەيىك، مۇنداي وپەراتسيانىڭ ءتۇرى مەديتسينالىق كومەكتىڭ كەپىلدەندىرىلگەن كولەمى شەڭبەرىندە ەلدىڭ ءاربىر ازاماتى ءۇشىن اقىسىز.
شىمكەنت قالاسى اكىمىنىڭ ءباسپاسوز قىزمەتى
