شىمكەنت قالاسىندا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ» ەكىنشى باعىتى اياسىندا، ياعني ەڭبەك نارىعىندا سۇرانىسقا يە ماماندىقتارعا ازاماتتاردى قىسقا مەرزىمدى كاسىپتىك وقىتۋعا جولداۋ بويىنشا تىندىرىمدى تىرلىكتەر اتقارىلدى.
وسى جىلى قالالىق ءبىلىم، جۇمىسپەن قامتۋ جانە الەۋمەتتىك قورعاۋ باسقارمالارىمەن جانە «اتامەكەن» كاسىپكەرلىك پالاتاسىمەن بىرلەسىپ قالا اۋماعىنداعى كاسىپورىنداردان وتىنىمدەر جيناقتالعان بولاتىن.
ناتيجەسىندە، ەڭبەك نارىعىندا سۇرانىسقا يە 21 ماماندىقتىڭ (اۆتوكولىك جوندەۋ سلەارى، اعاش جانە جيھاز ءوندىرىسىنىڭ شەبەرى، ارنايى تىگىنشى، اسپاز، دانەكەرلەۋشى، سلەسار-سانتەحنيك، ءپىشۋشى، كونديتەر، ديزاينەر، ەلەكتر گازىمەن دانەكەرلەۋشى جانە ت.ب.) جانە كاسىپتىك ءبىلىم بەرەتىن 32 ءبىلىم بەرۋ مەكەمەسىنىڭ ءتىزىمى جاسالىندى.
قازىرگى تاڭدا ولاردا جوسپارداعى 2000 ادامنىڭ 1990-ى وقۋىن ءتامامداپ، ءتيىستى كۋالىكتەرىن الدى. ال، 10 ادام ءتۇرلى سەبەپتەرمەن وقۋدى جالعاستىرا الماعان.
شىمكەنت قالاسى اكىمىنىڭ ءباسپاسوز قىزمەتى
