شىمكەنتتە “بوزارىق” تاماق ونەركاسىبى يندۋستريالدى ايماعى قۇرىلادى

1852
Adyrna.kz Telegram

بۇل تۋرالى بۇگىن وڭىرلىك كاسىپكەرلىك كەڭەسىنىڭ وتىرىسىندا قالا اكىمى مۇرات ايتەنوۆ ءمالىم ەتتى. ونىڭ ايتۋىنشا، شىمكەنت قالاسىنىڭ «قاينار بۇلاق» تۇرعىن الابى ماڭىندا اۋىل شارۋاشىلىعى ونىمدەرىن قايتا وڭدەيتىن جالپى الاڭى 178 گا قۇرايتىن «بوزارىق» تاماق ونەركاسىبى يندۋستريالدى ايماعىن قۇرۋ جوسپارلانۋدا ەكەن.

«بۇگىندە يندۋستريالدى ايماقتا جۇزەگە اساتىن قۇنى 6,7 ملرد. تەڭگەنى قۇرايتىن 6 ينۆەستيتسيالىق جوبانىڭ وتىنىمدەرى قابىلداندى. ياعني، بيولوگيالىق قوسپالارى بار قۇنارلى قۇراما جەم ءوندىرىسىن سالۋ جانە ءسۇت ءوندىرۋ زاۋىتىن سالۋ جوبالارىن جۇزەگە اسىرۋ، سونىمەن قاتار، شەتەل ينۆەستورلارىمەن بىرلەسە ءسۇت، ەت، جەمىس پەن كوكونىستى قايتا وڭدەيتىن، كونسەرۆىلەيتىن جوبالاردى جۇزەگە اسىرۋ جوسپارلانۋدا»،-دەدى قالا باسشىسى.

ايتا كەتەيىك، بۇگىندە قالادا «وڭتۇستىك»، «تاسساي» يندۋستريالىق ايماق پەن «وڭتۇستىك» ارنايى ەكونوميكالىق ايماعى جەمىستى جۇمىس ىستەپ كەلەدى. ولاردا جالپى ينۆەستيتسيالىق قۇنى 100,2 ملرد. تەڭگەنى قۇرايتىن 102 جوبا جۇزەگە اسىرىلعان.

بۇدان بولەك، شىمكەنتتە جالپى الاڭى 306 گا قۇرايتىن جاڭا «جۇلدىز» يندۋستريالدى ايماعى قۇرىلۋدا. جاڭا ايماقتا قۇرىلىس، مەتاللۋرگيا، فارماتسەۆتيكا جانە جيھاز ونەركاسىبى سالاسىنداعى جوبالار ىسكە اسىرىلادى.

سونداي-اق، جالپى الاڭى 136 گا قۇرايتىن «تەپليچنىي راي» اگرو-يندۋستريالدى ايماعىن قۇرۋ جۇمىستارى باستالدى. اتالعان اگرو-يندۋستريالدى ايماقتا ونەركاسىپتىك جىلىجايلار مەن اۋىل شارۋاشىلىق سالاسىنداعى جوبالار جۇزەگە اسىرىلاتىن بولادى. بۇگىنگى تاڭدا، قۇنى 9,4 ملرد. تەڭگەنى قۇرايتىن 8 ينۆەستيتسيالىق جوبا ىسكە اسىرىلۋى بولجامدانۋدا.

شىمكەنت قالاسى اكىمىنىڭ ءباسپاسوز قىزمەتى

پىكىرلەر