ەگەي تەڭىزى اۋماعىنداعى جەر سىلكىنىسى تۇركيانىڭ باتىسىنداعى يزمير قالاسىن ابىگەرگە سالدى. ونداعان ءۇي قيراعان. سىلكىنىس وشاعى 16,5 شاقىرىم تەرەڭدىكتە. بۇل تۋرالى انادولى اگەنتتىگىنە سىلتەمە جاساپ، "ادىرنا" ۇلتتىق پورتالى حابارلايدى.
6,6 بالدىق جەر سىلكىنىسىنىڭ زاردابى وڭاي بولماعان سىڭايلى. تەڭىز سۋى كەرى قايتىپ، تۇرعىنداردى دۇربەلەڭگە سالعانى تۋرالى اقپاراتتار جەلى بەتىن شارلاۋدا.
جەر سىلكىنىسى 15 سەكۋندقا سوزىلىپ، تۇركيانىڭ باتىسىنداعى كوپتەگەن پروۆينتسيادا سەزىلگەن. تۇركيا ءىىم حابارلاۋىنشا، ءزىلزالا سالدارىنان يزمير قالاسىنىڭ بورنوۆا جانە بايراكلى اۋداندارىندا التى تۇرعىن ءۇي قيراعان.
قازا تاپقاندار مەن جارالىلار تۋرالى ءالى حابارلانعان جوق.
سۋرەت: aa.com.tr سايتىنان
