شىمكەنت قالاسىنىڭ اكىمى مۇرات ايتەنوۆ ازاماتتاردىڭ جەكە سۇراقتارى بويىنشا ونلاين قابىلداۋ وتكىزدى. قابىلداۋعا جازىلعان قالا تۇرعىنى كەپىلدەندىرىلگەن الەۋمەتتىك پاكەتتى مەرزىمىندە تولىق الا الماي وتىرعانىن جەتكىزدى. ونىمەن قوسا "ماگنۋم" ساۋدا ۇيىندەگى قىزمەتكەرلەردىڭ دورەكىلىگى جونىندە ارىزداندى.
- اكىمدىك پەن ساۋدا ءۇيى اراسىندا كەلىسىمشارت تۇزىلگەن. ياعني كەپىلدەندىرىلگەن پاكەتتەگى زاتتاردى ساتىپ الۋعا تۇرعىندار ءۇشىن اقشا بولىنگەن. ءبىز ءبىر نارسەنى ۇمىتپاۋىمىز قاجەت. حالىق اقشاسى - حالىققا جەتۋ كەرەك. ءار ءۇش ايدا بەرىلەتىن كومەكتى قالا تۇرعىندارى ۋاقتىلى الىپ وتىرۋعا قۇقىلى - دەدى قالا اكىمى.
بۇل باعىتتا اۋدان اكىمدەرىنە جانە سالا باسشىسىنا بارلىق "ماگنۋم" جەلىسىنىڭ باسشىلارىمەن تۇسىندىرمە جۇمىستارىن جۇرگىزۋدى، الەۋمەتتىك كومەك بەرىلەردەن ءبىر اپتا الدىن تۇگەندەۋ جۇمىستارىن جۇرگىزۋ جونىندە تاپسىرما بەردى.
شىمكەنت قالاسى اكىمىنىڭ ءباسپاسوز قىزمەتى
