Shymkent qalasynyń ákimi Murat Áıtenov azamattardyń jeke suraqtary boıynsha onlaın qabyldaý ótkizdi. Qabyldaýǵa jazylǵan qala turǵyny kepildendirilgen áleýmettik paketti merziminde tolyq ala almaı otyrǵanyn jetkizdi. Onymen qosa "Magným" saýda úıindegi qyzmetkerlerdiń dórekiligi jóninde aryzdandy.
- Ákimdik pen saýda úıi arasynda kelisimshart túzilgen. Iaǵnı kepildendirilgen pakettegi zattardy satyp alýǵa turǵyndar úshin aqsha bólingen. Biz bir nárseni umytpaýymyz qajet. Halyq aqshasy - halyqqa jetý kerek. Ár úsh aıda beriletin kómekti qala turǵyndary ýaqtyly alyp otyrýǵa quqyly - dedi qala ákimi.
Bul baǵytta aýdan ákimderine jáne sala basshysyna barlyq "Magným" jelisiniń basshylarymen túsindirme jumystaryn júrgizýdi, áleýmettik kómek berilerden bir apta aldyn túgendeý jumystaryn júrgizý jóninde tapsyrma berdi.
Shymkent qalasy ákiminiń baspasóz qyzmeti
