بۇل تۋرالى اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ مəلىمدەدى.
– قالا تۇرعىندارىنا قىزمەت كورسەتەتىن 9 پتر زەرتحاناسى اشىلعان. ولار كۇنىنە 3500-گە جۋىق تەست جاساۋ مۇمكىندىگىنە يە. بۇگىندە تəۋلىگىنە 1500 بەن 2000-نىڭ اراسىندا تەست قابىلداۋدا. ياعني، وسى كۇنگە دەيىن 116 591 پتر تەستى وتكىزىلگەن. ال توسەك-ورىن جايلى جەتكىزسەم، قالادا 1 060 توسەك-ورىن بار. ونىڭ 560-ى جۇقپالى اۋرۋلارعا، 500-ءى كارانتيندىك اۋرۋلارعا ارنالعان. قازىرگى تاڭدا جۇقپالى جانە كارانتيندىك اۋرۋحانالاردا 156 ناۋقاس ەم الۋدا، – دەدى باقىتجان جولداسبەكۇلى.
باسقارما باسشىسىنىڭ ايتۋىنشا، ءۇشىنشى مەگاپوليستە ەپيدەميولوگيالىق احۋال ۇنەمى باقىلاۋدا جانە كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا كوپتەگەن جۇمىس اتقارىلىپ جاتىر.
ايتا كەتەيىك، قالادا 2020 جىلدىڭ 24 ناۋرىزىنان 29 قازانىنا دەيىن كوروناۆيرۋس ينفەكتسياسىنىڭ 5 231 جاعدايى تىركەلگەن. ونىڭ 2662-ءسى سيمپتومدى بولسا، 2569-ى – سيمپتومسىز. ولاردىڭ ىشىندە 5 152 ناۋقاس ەمدەلىپ شىققان. ال وسى جىلدىڭ 1 تامىزى مەن 29 قازان ارالىعىندا COVID-19 بەلگىلەرى مەن (ICD-10 كودى - U07.2) پنەۆمونيانىڭ 985 جاعدايى تىركەلگەن.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو – س.قوساي
