شىمكەنت قالاسىندا بيىل «نۇرلى جەر» باعدارلاماسى اياسىندا 70 كوپ قاباتتى تۇرعىن ۇيگە كۇردەلى جوندەۋ جۇمىستارىن جۇرگىزۋ جوسپارلانعان.
بۇگىندە اتالعان كوپ قاباتتى تۇرعىن ۇيلەردىڭ 39-ىندا كۇردەلى جوندەۋ جۇمىستارى اياقتالدى. 17 تۇرعىن ۇيدە جۇمىستار ءالى دە جالعاسۋدا. ال قالعان 14 كوپ قاباتتى ءۇي تۇرعىنداردىڭ ءوز ەسەبىنەن جۇرگىزىلىپ قويعاندىقتان جوندەۋ جۇمىستارىنان باس تارتقان.
سونىمەن قاتار، قالا اكىمى مۇرات ايتەنوۆتىڭ تاپسىرماسىنا سايكەس قالاداعى تۇرعىن ۇيلەردىڭ ليفتتەرىن اۋىستىرۋ بويىنشا دا جۇمىستار اتقارىلۋدا. اتاپ ايتقاندا، جىل سوڭىنا دەيىن 6 كوپقاباتتى تۇرعىن ءۇيدىڭ ء(ال-فارابي الاڭى №1ا، جەلتوقسان كوشەسى №32, تاۋكە حان داڭعىلى، №32, تەرەشكوۆا كوشەسى، №50ا جانە تەمىرلان تاس جولى بويىندا ورنالاسقان №1, 1ا ءۇي) 12 ليفت قوندىرعىسى اۋىستىرىلاتىن بولادى.
شىمكەنت قالاسى اكىمىنىڭ ءباسپاسوز قىزمەتى
