شىمكەنت: سپورتشىلار 9 ايدا 112 التىن، 96 كۇمىس، 92 قولا مەدال جەڭىپ الدى

2085
Adyrna.kz Telegram

شىمكەنت قالاسىنىڭ سپورتشىلارى جىل باسىنان بەرى ەل چەمپيوناتتارى مەن ءتۇرلى حالىقارالىق جارىستاردا ءتاۋىر جەتىستىكتەرگە قول جەتكىزدى.

ونىمەن قوسا شاھاردا سپورتتىق ينفراقۇرىلىمدى دامىتۋ، بۇقارالىق سپورتتى ناسيحاتتاۋدا جۇيەلى جۇمىستار اتقارىلۋدا.

قالالىق دەنەشىنىقتىرۋ جانە سپورت باسقارماسىنىڭ مالىمەتىنشە، 9 ايدا قالا سپورتشىلارى قر چەمپيوناتتارى، كۋبوكتارى مەن بىرىنشىلىكتەرىنە قاتىسىپ، 112 التىن، 96 كۇمىس، 92 قولا مەدال جەڭىپ الدى. ازيا چەمپيوناتتارى مەن كۋبوكتارىندا قالا سپورتشىلارى 2 كۇمىس، 3 قولا مەدالگە قول جەتكىزسە، الەم چەمپيوناتتارى مەن كۋبوكتارىندا 1 قولا مەدالگە يە بولدى.

وسى جىلدىڭ 9 ايىنىڭ قورىتىندىسى بويىنشا 7 «حالىقارالىق دارەجەدەگى سپورت شەبەرى»، 52 «قازاقستان رەسپۋبليكاسىنىڭ سپورت شەبەرى»، 104 سپورت شەبەرىنە ۇمىتكەر سپورتشىلار دايىندالدى.

بۇگىندە 2021 جىلعى ءحححىى-جازعى وليمپيادا ويىندارىنا دايىندىق جۇمىستارى جۇرگىزىلۋدە. ازىرگە قالا سپورتشىلارىنىڭ قورجىنىندا 4 وليمپيادا جولداماسى بار.

حالىقتى دەنە شىنىقتىرۋمەن شۇعىلدانۋعا تارتۋ جانە سپورتتىق ينفراقۇرىلىمدى، بۇقارالىق سپورتتى ءتيىستى دەڭگەيدە دامىتۋ ماقساتىندا قالادا مەملەكەتتىك جەكەشىلىك-ارىپتەستىك تەتىگى ارقىلى 4 سپورت نىسانى جۇمىس ىستەيدى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر