ەلدەن جاستاردى كەتىرمەۋدىڭ امالدارى

1724

سوڭعى جىلدارى ەلىمىزدەن شەتەل اسىپ كەتىپ جاتقان جاستار وتە كوپ. ولاردىڭ اراسىندا ەلىمىزدىڭ وركەندەپ دامۋىنا ۇلكەن ۇلەس قوسا الاتىن ءورشىل جانە وتە تالانتتى جاستار مەن عالىمدار بار. جاستاردىڭ شەتەلگە كەتۋى نەلىكتەن كوبەيىپ كەتتى؟  قر بعم "ADAL BILIM" جوبالىق كەڭسەسىنىڭ جەتەكشىسى تالعات نارىكباەۆ تاياۋدا  قازاقستاننان بولاشاعىمىز – جاستاردىڭ ەلدەن كەتۋىن قالاي توقتاتۋعا بولاتىنى تۋرالى اقپارات قۇرالدارى ارقىلى مالىمدەگەن-ءدى.

ەڭ باستى سەبەپ – شەتەلدە ءومىر ءسۇرۋ ساپاسى جوعارى جانە ءبىلىم بەرۋ سالاسى دامىعان. بۇعان كۇن سايىن شەتەلدە ءبىلىم الۋدىڭ قولجەتىمدى بولا ءتۇسۋىن دە قوسۋعا بولادى. مىسالى، گەرمانيانىڭ جوعارى وقۋ ورىندارىندا تەگىن ءبىلىم الۋدىڭ ءتۇرلى جولى قاراستىرىلعان. باسقا ەلدەردىڭ دە  ارتۇرلى ستيپەنديالىق باعدارلامالارى بار. ەكىنشى جاعىنان، قازاقستاندا جاقسى ءبىلىم مەن جۇمىس تاجىريبەسىن الۋعا مۇمكىندىك بار. ءبىز مۇنى شەتەلدە دە باسەكەگە قابىلەتتى، بۇكىل الەم بويىنشا حالىقارالىق كومپانيالاردا تابىستى جۇمىس ىستەيتىن ءوز ستۋدەنتتەرىمىز بەن تۇلەكتەرىمىزدەن بىلەمىز. مىسالى، قازاقستانداعى كەيبىر مىقتى جەكە مەنشىك جوعارى وقۋ ورىندارى مەملەكەتتىك جوعارى وقۋ ورىندارىنداعىداي ارزان گرانتتاردىڭ ماسساسىنا عانا ءۇمىت ارتۋ بۇدان بىلاي ءتيىمدى بولمايتىنىن تۇسىنە باستادى. مۇنداي ۋنيۆەرسيتەتتەر شەتەلدە ءبىلىم العان مامانداردى تارتا وتىرىپ، كادر قۇرامىن كۇشەيتۋگە تىرىسىپ كەلەدى. مىسالى، جاستاردىڭ شەتەلگە كەتۋىن توقتاتۋ ماقساتىندا قازمزۋ ءوز كومانداسىنا ۇزدىك وتاندىق اكادەميالىق كادرلار مەن حالىقارالىق ءبىلىم بەرۋ سالاسىنداعى مىقتى مامانداردى بىرىكتىرىپ، ۇزدىك وقۋ ورىندارىمەن بايلانىس ورناتتى. بۇگىنگى تاڭدا قازمزۋ-دا شەتەلدە ءبىلىم العان  100-دەن استام وقىتۋشى ساباق بەرەدى. ولار فرانتسيا، ۇلىبريتانيا، گەرمانيا، شۆەيتساريا، اقش، يسپانيا، قحر، سينگاپۋر، كيپر، ەگيپەت، ءۇندىستان، اۆستراليا، بولگاريا، ۋكراينا، رەسەي، تۇركيا سياقتى ەلدەردە ءبىلىم العان. ولاردىڭ جارتىسىنا جۋىعى بولاشاق باعدارلاماسىنىڭ تۇلەكتەرى. ولار گارۆارد، كەمبريدج، وكسفورد سەكىلدى بەدەلدى جوعارى وقۋ ورىندارىن بىتىرگەن. ولاردىڭ ەركىن جانە شىعارماشىلىق ويلاۋى جوعارى اكادەميالىق تالاپتارعا سايكەس كەلەدى، سونداي-اق قازىر ولار ءوز كەزەگىندە ستۋدەنتتەردىڭ ويلارىن دا وزگەرتە الادى. شەتەلدىك ءبىلىم بەرۋدەن باسقا، ستۋدەنتتەرگە ولاردى ءوز سالاسىنداعى ەڭ جاقسى ماماندار ۇيرەتۋى كەرەكتىگىن دە ءتۇسىنۋ ماڭىزدى.

كاسىبي سالادا مۇعالىمنىڭ جوعارى دارەجەسىن وبەكتيۆتى تۇردە راستايتىن ءارتۇرلى بەدەلدى سەرتيفيكاتتاۋ ستاندارتتارى بار. ءبىز ايتىپ وتىرعان قازمزۋ وقىتۋشىلارىنىڭ باسىم كوپشىلىگىندە TKT, CELTA, DELTA, CFA, ACCA, FRM, SPHRi, CIPD, IPMA, GARP, IABFM حالىقارالىق كاسىبي سەرتيفيكاتتارى بار. ەگەر ءبىز ساپالى ءبىلىم بەرۋ ءۇشىن باتىس ەلدەرى سەكىلدى ەلىمىزدەگى پروفەسسورلارعا جاعداي جاساي الساق، وندا زياتكەر ازاماتتارىمىزدىڭ ەلدەن كەتۋىن توقتاتىپ، شەتەلدىك تالاپكەرلەردى قازاقستانعا تارتىپ، بۇل پروتسەستى وڭتايلاندىرا الامىز.

فوتو اشىق دەرەككوزدەن الىندى

دايىنداعان ايجان پەردەبەكقىزى

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket